Sam 62:1-12
To di wan we de dayrɛkt; Jedutɔn.* Devid in siŋ.
62 Fɔ tru, a de wet* kwayɛt wan fɔ Gɔd.
Na in go sev mi.
2 Fɔ tru, na mi rɔk, na in de sev mi, ɛn na mi sef ples fɔ ayd;Natin nɔ go ɛva rili shek mi.
3 Aw lɔng una go de atak pɔsin fɔ kil am?
Una ɔl na pipul dɛn we denja lɛk wɔl we dɔn ling,
Lɛk ston wɔl we rɛdi fɔ fɔdɔm.*
4 Dɛn de ɛng ed fɔ pul am na in ay pozishɔn;*Dɛn de ɛnjɔy fɔ lay.
Dɛn de yuz dɛn mɔt fɔ blɛs, bɔt insay dɛn at dɛn de swɛ. (Sila)
5 Fɔ tru, a de wet* kwayɛt wan fɔ GɔdBikɔs na in de gi mi op.
6 Fɔ tru, na mi rɔk, na in de sev mi, ɛn na mi sef ples fɔ ayd;Natin nɔ go ɛva shek mi.
7 Na Gɔd de mek a sev ɛn na in de gi mi glori.
Gɔd na mi strɔng rɔk, ɛn mi ples fɔ ayd.
8 E pipul dɛn, una abop pan am ɔltɛm.
Una tɛl am ɔl wetin de na una at.
Gɔd na sef ples fɔ wi. (Sila)
9 Mɔtalman dɛn tan lɛk briz we de kɔmɔt na pɔsin in nos,Mɔtalman dɛn nɔ tan lɛk aw pɔsin de si dɛn.
We yu put dɛn togɛda na skel dɛn,
Dɛn layt pas di briz we de kɔmɔt na pɔsin in nos.
10 Nɔ abop pan prɔpati we yu tek bay fosƐn nɔ abop pan tif.
If yu jɛntri de ad, nɔ put yu at de.
11 Tu tɛm Gɔd dɔn tɔk se:
Na Gɔd gɛt trɛnk.
12 E Jiova, yu gɛt lɔv we nɔ de chenj,Yu de pe ɔlman akɔdin to in wok.
Futnot Dɛn
^ Rid Baybul Wɔd dɛn Minin.
^ Ɔ “mi sol de wet.”
^ Ɔ i kin bi, “Una ɔl, lɛk se in na bin wɔl we dɔn ling, lɛk ston wɔl we rɛdi fɔ fɔdɔm.”
^ Ɔ “pan in rɛspɛkt.”
^ Ɔ “mi sol de wet.”
