Sam 65:1-13
To di wan we de dayrɛkt. Devid in siŋ.
65 E Gɔd, wi go prez yu na Zayɔn;Wi go du wetin wi bin dɔn vaw se wi go du fɔ yu.
2 E di Wan we de yɛri prea, ɔlkayn pipul dɛn go kam to yu.
3 Mi sin dɛn dɔn tu bɔku pan mi,Bɔt yu de kɔva mi sin dɛn.
4 Di wan we yu pik ɛn drɔ nia yu go gladiFɔ de na yu kɔmpawn dɛn.
Wi go satisfay wit di gud tin dɛn we wi de gɛt na yu os,Na yu oli tɛmpul.*
5 E wi Gɔd we de sev wi,Yu go du wɔndaful tin dɛn di rayt we fɔ ansa wi.Pipul dɛn we de ɔlsay na di wɔl abop pan yu,Ivin di wan dɛn we de fa oba di si.
6 Yu* yuz yu pawa fɔ mek mawntin dɛn tinap tranga wan;Yu* rili gɛt pawa.
7 Yu* de stɛdi di rɔf si dɛn,Yu de stɛdi di pawaful swɛlin dɛn,
Ɛn yu de mek fɛt-fɛt nɔ de na di neshɔn dɛn.
8 Di wan dɛn we de fa fa say dɛnGo wɔnda we dɛn si yu sayn dɛn;
Yu go mek di wan dɛn we de usay di san de grap
Ɛn usay di san de go dɔŋ, ala wit gladi-at.
9 Yu de kia fɔ di wɔl,Yu mek di wɔl fayn fɔ plant ɛn de bia bɔku bɔku tin dɛn.
Yu ful-ɔp di riva dɛn wit wata;Yu gi mɔtalman dɛn fud,Bikɔs na so yu mek di wɔl.
10 Yu de sok di grɔn;Ɛn yu de lɛvul in dɔti we dɛn dɔn dig.
Yu yuz ren fɔ mek i sɔft; yu de blɛs di tin dɛn we de gro.
11 Yu dɔn blɛs di ia wit gud tin dɛn we fiba krawn;Yu rod ful-ɔp wit bɔku tin dɛn.
12 Di land dɛn na di wildanɛs* we gɛt gras fɔ animal dɛn jɔs de bɔku,Ɛn gladi gladi de ɔlsay na di il dɛn.
13 Bɔku animal dɛn de usay di gras dɛn de,Ɛn bɔku bɔku fud de na di vali* dɛn.
Dɛn de ala wit gladi-at, dɛn de siŋ.
Futnot Dɛn
^ Ɔ “oli ples.”
^ Insay Ibru, “I.”
^ Insay Ibru, “I.”
^ Insay Ibru, “I.”
^ Rid Baybul Wɔd dɛn Minin.
^ Ɔ “flat land.”
