Sam 72:1-20
Wan Sam bɔt Sɔlɔmɔn.
72 E Gɔd, mek lɛ di kiŋ no bɔt di tin dɛn we yu dɔn disayd,Ɛn mek lɛ di kiŋ in bɔypikin no wetin rayt na yu yay.
2 Mek i du wetin rayt as i de protɛkt yu pipul dɛn,Ɛn lɛ i trit di wan dɛn we dɛn nɔ tek mek natin fia wan.
3 Lɛ di mawntin dɛn mek di pipul dɛn gɛt pis,Ɛn lɛ di il dɛn mek di pipul dɛn du wetin rayt.
4 Lɛ i fɛt* fɔ di wan dɛn we ɔda pipul dɛn nɔ tek mek natin,Lɛ i sev di wan dɛn we po dɛn bɔypikin dɛn,Ɛn lɛ i dɔnawe wit di wan dɛn we kruk.
5 Fɔ jɛnɛreshɔn afta jɛnɛreshɔn,Dɛn go fred yu as lɔng as di san deƐn as lɔng as di mun kɔntinyu fɔ de.
6 I go tan lɛk ren we de fɔdɔm pan gras we dɛn dɔn kɔt,I go tan lɛk bɔku ren we de wata di wɔl.
7 Dyurin in tɛm, di wan dɛn we de du wetin raytGo tan lɛk plant we frɛsh,*
Ɛn bɔku bɔku pis go de te di mun nɔ de igen.
8 I go rul oba pipul dɛn we de frɔm wan si to di ɔda siƐn frɔm di Riva* to di say we fa pas ɔl na di wɔl.
9 Di wan dɛn we de na dɛzat go butu bifo am,Ɛn in ɛnimi dɛn go lik dɔst.
10 Di kiŋ dɛn na Tashish ɛn na di ayland dɛn go pe taks.
Di kiŋ dɛn na Shiba ɛn Siba go kam wit gift dɛn.
11 Ɔl di kiŋ dɛn go butu bifo am,Ɛn ɔl di neshɔn dɛn go wok fɔ am.
12 I go sev pɔsin we po we de kray fɔ lɛ dɛn ɛp am,I go sev pɔsin we dɛn nɔ tek mek natin
Ɛn ɛnibɔdi we nɔ gɛt pɔsin fɔ ɛp am.
13 I go sɔri fɔ di wan dɛn we dɛn nɔ tek mek natin ɛn di wan dɛn we po,Ɛn i go sev po pipul dɛn layf.
14 I go sev dɛn frɔm di wan dɛn we de sɔprɛs dɛnƐn di wan dɛn we de mek dɛn sɔfa,
Ɛn dɛn blɔd go valyu na in yay.
15 Lɛ i gɛt lɔng layf ɛn lɛ dɛn gi am di gold na Shiba.
Lɛ dɛn kɔntinyu fɔ pre fɔ am,Ɛn lɛ i gɛt blɛsin ɔltɛm.
16 Bɔku bɔku it go de na di wɔl;Ɛn dɛn go pasmak pantap di mawntin dɛn.
In plant dɛn go frɛsh lɛk di wan dɛn na Libanɔn,Ɛn di pipul dɛn na di siti dɛn
Go tan lɛk plant we frɛsh na di wɔl.
17 Lɛ in nem kɔntinyu fɔ de sote go,Ɛn lɛ pipul dɛn kɔntinyu fɔ tɔk bɔt am wans di san de.
Lɛ pipul dɛn gɛt blɛsin bikɔs ɔf am;Lɛ ɔl di neshɔn dɛn tɔk se i gɛt gladi-at.
18 Lɛ Jiova, we na Izrɛl in Gɔd gɛt prez,Na in nɔmɔ de du wɔndaful tin dɛn.
19 Lɛ dɛn prez in nem we gɛt glori sote go,Ɛn lɛ in glori ful-ɔp di wan ol wɔl.
Emɛn ɛn Emɛn.
20 Na ya Devid we na Jɛsi in bɔypikin in prea dɛn dɔn.
