Sam 73:1-28
Esaf in siŋ.
73 Gɔd rili gud to di Izrɛlayt dɛn, to di wan dɛn we gɛt klinat.
2 As fɔ mi, i lɛf smɔl mek a kɔmɔt na di rayt rod;A bin want fɔ fɔdɔm.
3 A bigin fɔ milɛ di wan dɛn we prawd*We a si di pis we di wikɛd wan dɛn gɛt.
4 Dɛn nɔ de day wit pen;Dɛn gɛt wɛlbɔdi.*
5 Dɛn nɔ de gɛt prɔblɛm lɛk ɔda mɔtalman dɛn,Ɛn dɛn nɔ de sɔfa lɛk ɔda pipul dɛn.
6 So di prawd we dɛn prawd tan lɛk chenWe pɔsin kin wɛr na in nɛk;
Ɛn dɛn fɛt-fɛt tan lɛk di klos we dɛn kin wɛr.
7 Di jɛntri we dɛn jɛntri* dɔn mek dɛn yay dɛn big;Dɛn dɔn gɛt pas wetin dɛn de imajin na dɛn at.
8 Dɛn de provok ɔda pipul dɛn ɛn tɔk bad tin dɛn.
Dɛn de mek prawd ɛn trɛtin pipul dɛn se dɛn go sɔprɛs dɛn.
9 Dɛn de tɔk lɛk se na ɛvin dɛn de,Ɛn dɛn de waka na di wɔl ɛn tɔk bɔt ɛnitin we dɛn lɛk.
10 So in pipul dɛn tɔn to dɛn,Ɛn dɛn drink frɔm dɛn wata we bɔku.
11 Dɛn de aks se: “Aw Gɔd no?
Fɔ se di Wan We De Pantap Ɔlman rili no sɔntin?”
12 Yɛs, dis na di wikɛd wan dɛn we tin izi fɔ ɔltɛm.
Dɛn de kɔntinyu fɔ jɛntri mɔ ɛn mɔ.
13 Na fɔ natin a dɔn kɔntinyu fɔ gɛt klinatƐn fɔ pul mi an pan bad.
14 A bin de gɛt prɔblɛm ol de;Ɛni mɔnin Gɔd bin de kɔrɛkt mi.
15 Bɔt if a bin tɔk dɛn tin ya,A bin fɔ dɔn kɔmɔt biɛn yu pipul dɛn.*
16 We a tray fɔ ɔndastand am,I nɔ bin izi fɔ mi
17 Pas te we a go insay Gɔd in tɛmpul,Nain a ɔndastand wetin go apin to dɛn tumara bambay.
18 Fɔ tru, yu dɔn put dɛn na ples we slipul.
Yu mek dɛn fɔdɔm ɛn yu dɔnawe wit dɛn.
19 Bad tin kin apin to dɛn kwik kwik wan!
Prɔblɛm kin mit dɛn kwik kwik wan
We kin mek dɛn sɔfa ɛn day!
20 E Jiova, jɔs lɛk we pɔsin wek pan drim,We yu grap, yu go fɔgɛt* dɛn.
21 Bɔt mi at nɔ bin swit,Ɛn dip insay mi,* a bin de fil shap pen.
22 A nɔ bin de tink di rayt we, ɛn a nɔ bin ɔndastand;A bin tan lɛk wayl animal we nɔ gɛt sɛns bifo yu.
23 Bɔt naw a de wit yu ɔltɛm;Yu dɔn ol mi raytan.
24 Yu de yuz yu advays fɔ gayd mi,Ɛn afta dat yu go mek a gɛt glori.
25 Udat a gɛt na ɛvin?
Apat frɔm yu, a nɔ want natin na di wɔl.
26 Mi bɔdi ɛn mi at go fel,Bɔt Gɔd go mek a strɔng ɛn na in nɔmɔ a gɛt sote go.
27 Fɔ tru, di wan dɛn we nɔ de kam nia yu go day.
Yu go dɔnawe wit ɛnibɔdi we nɔ fetful to yu.
28 Bɔt as fɔ mi, we a de go nia Gɔd, dat gud fɔ mi.
A dɔn mek Jiova we na di Masta We De Rul ƆlmanMi sef ples fɔ ayd,
Fɔ tɔk bɔt ɔl di tin dɛn we yu de du.
Futnot Dɛn
^ Ɔ “de bost.”
^ Ɔ “Dɛn bɛlɛ dɛn big.”
^ Insay Ibru, “Di fat we dɛn fat.”
^ Insay Ibru, “yu bɔypikin dɛn jɛnɛreshɔn.”
^ Insay Ibru, “et.”
^ Insay Ibru, “mi kidni dɛn.”
