Sam 78:1-72
Maskil.* Esaf in siŋ.
78 Mi pipul dɛn, una lisin to mi lɔ;*Una pe atɛnshɔn to di tin dɛn we a de tɔk.
2 A go pul parebul dɛn.
A go pul ridul dɛn we bin de trade trade.
3 Di tin dɛn we wi bin dɔn yɛri ɛn no,We wi papa dɛn bin tɛl wi,
4 Wi nɔ go ayd am frɔm dɛn bɔypikin dɛn;Wi go tɛl di jɛnɛreshɔn we go kamBɔt Jiova in trɛnk, di tin dɛn we i dɔn du we wi fɔ prez am fɔ,Ɛn di wɔndaful tin dɛn we i dɔn du.
5 I gi Jekɔp in pikin dɛn kɔmandmɛnt,Ɛn i mek lɔ fɔ Izrɛl in pikin dɛn;I kɔmand wi gret gret granpa dɛnFɔ tɛl dɛn pikin dɛn bɔt dɛn tin dɛn ya,
6 So dat di nɛks jɛnɛreshɔn,Di pikin dɛn we dɛn nɔ bɔn yet, go no bɔt dɛn.
Ɛn dɛnsɛf go tɛl dɛn yon pikin dɛn.
7 Dɔn dɛn pikin dɛn ya go gɛt kɔnfidɛns pan Gɔd.
Dɛn nɔ go fɔgɛt di tin dɛn we Gɔd dɔn du,Bɔt dɛn go obe in kɔmandmɛnt dɛn.
8 Dɔn dɛn nɔ go tan lɛk dɛn gret gret granpa dɛn,We na bin jɛnɛreshɔn we trangayesƐn we tɔn dɛn bak pan Gɔd,Dɛn bin de chenj chenj dɛn maynd*
Ɛn dɛn nɔ bin fetful to Gɔd.
9 Di Ifremayt dɛn bin gɛt bo,Bɔt dɛn rɔnawe di de fɔ fɛt.
10 Dɛn nɔ bin kip Gɔd in agrimɛnt,Ɛn dɛn nɔ gri fɔ obe in lɔ.
11 Dɔn dɛn fɔgɛt wetin i bin dɔn du,In wɔndaful tin dɛn we i bin dɔn sho dɛn.
12 I bin du wɔndaful tin dɛnBifo dɛn gret gret granpa dɛn yay na Ijipt,
Na di eria na Zoan.
13 I sheb di si to tu ɛn mek dɛn pas midul,Dɔn i mek di wata tinap lɛk dam.*
14 I bin de lid dɛn wit klawd dyurin di deƐn ol nɛt i bin de lid dɛn wit faya.
15 I plit rɔk dɛn na di wildanɛs,*I mek dɛn drink te dɛn satisfay lɛk se dɛn de drink frɔm dip wata.
16 I mek watasay dɛn bɔs na rɔk,Ɛn i mek wata dɛn rɔn lɛk riva.
17 Bɔt dɛn kɔntinyu fɔ sin agens amƐn we dɛn de na di dɛzat, dɛn tɔn dɛn bak pan di Wan We De Pantap Ɔlman;
18 Dɛn bin chalenj* Gɔd na dɛn atBay we dɛn aks fɔ fud we dɛn bin rili want fɔ it.
19 So dɛn grɔmbul pan Gɔd.Dɛn aks se: “Gɔd ebul fɔ gi wi it na di wildanɛs?”*
20 Luk! I nak rɔk ɛn mek wata bɔs kɔmɔt insay deƐn rɔndɔŋ bɔku bɔku wan.
Bɔt stil dɛn bin de aks se:“I go ebul gi in pipul dɛn bred,
Ɔ i go ebul gi in pipul dɛn bif?”
21 We Jiova yɛri dɛn, i vɛks bad bad wan;Faya kech pan Jekɔp in pikin dɛn,Ɛn i vɛks pan Izrɛl in pikin dɛn,
22 Bikɔs dɛn nɔ bin gɛt fet pan Gɔd;Dɛn nɔ bin biliv se i go ebul fɔ sev dɛn.
23 So i kɔmand di klawd dɛn we de ɔp di skay,Ɛn i opin di domɔt dɛn we de na ɛvin.
24 I kɔntinyu fɔ mek mana de fɔdɔm lɛk ren fɔ lɛ dɛn it;Ɛn i gi dɛn di fud na ɛvin.
25 Mɔtalman it di pawaful wan* dɛn bred;I gi dɛn bɔku fɔ lɛ dɛn satisfay.
26 I muv di briz fɔ blo na di ist pat na ɛvin,Ɛn i yuz in pawa fɔ mek briz blo na di sawt.
27 I mek bif fɔdɔm fɔ dɛn lɛk dɔst,Ɛn bɔku bɔku bɔd dɛn fɔdɔm lɛk sansan na bich.
28 I mek dɛn fɔdɔm midul in kamp,I mek dɛn fɔdɔm ɔlsay arawnd in tɛnt dɛn.
29 Dɛn it te dɛn ova it;I gi dɛn wetin dɛn bin want.
30 Bɔt we di fud bin stil de na dɛn mɔt,Bifo dɛn satisfay gud gud wan,
31 Gɔd vɛks pan dɛn bad bad wan.
I kil dɛn man dɛn we strɔng pas ɔl;Ɛn i kil di yɔŋman dɛn na Izrɛl.
32 Bɔt pan ɔl dat, dɛn sin mɔ ɛn mɔ,Ɛn dɛn nɔ bin gɛt fet pan di wɔndaful tin dɛn we i du.
33 So i mek dɛn layf shɔt lɛk briz we de kɔmɔt na pɔsin in nos,Ɛn i ridyus dɛn layf bay we i mek prɔblɛm dɛn bin de mit dɛn jɔs lɛk dat.
34 Bɔt ɛnitɛm we i kil dɛn, dɛn de luk fɔ am;Dɛn de kam bak ɛn luk fɔ Gɔd,
35 Dɛn bin de mɛmba se na Gɔd na bin dɛn RɔkƐn di Gɔd We De Pantap Ɔlman na in bin de sev* dɛn.
36 Bɔt dɛn tray fɔ ful am wit dɛn mɔt,Ɛn dɛn lay to am wit di tin dɛn we dɛn de tɔk.
37 Dɛn at nɔ bin de to am;Ɛn dɛn nɔ bin kip in agrimɛnt.
38 Bɔt i bin de sɔri fɔ dɛn;I bin de fɔgiv* dɛn sin, ɛn i nɔ bin dɔnawe wit dɛn.
Bɔku tɛm, i nɔ bin de pul ɔl in wamat pan dɛn,Bifo dat, i bin de ol insɛf lɛ i nɔ vɛks.
39 Bɔt i bin de mɛmba se dɛn na mɔtalman,Dɛn tan lɛk briz we bin de pas ɛn i nɔ de tɔn bak.*
40 Bɔku tɛm, dɛn bin de tɔn dɛn bak pan am na di wildanɛs,*Ɛn dɛn mek i fil bad na di dɛzat!
41 Dɛn tɛst Gɔd igen ɛn igen,Ɛn dɛn mek di Oli Wan na Izrɛl in at pwɛl.*
42 Dɛn nɔ bin mɛmba in pawaDi de we i sev dɛn na di ɛnimi in an,
43 Dɛn nɔ mɛmba aw i sho in sayn dɛn na IjiptƐn aw i sho in mirekul dɛn na di eria na Zoan,
44 Ɛn aw i bin tɔn di Nayl wata dɛn to blɔdWe mek dɛn nɔ ebul drink frɔm dɛn watasay dɛn.
45 I sɛn bɔku gadflay dɛn fɔ tɔmɛnt dɛnBay we dɛn bɛt dɛn
Ɛn frɔg dɛn fɔ briŋ prɔblɛm pan dɛn.
46 I mek grasɔpa dɛn we de it ɔltinIt di tin dɛn we dɛn plant,
Ɛn grasɔpa dɛn we machɔ it di tin dɛn we dɛn wok fɔ.
47 I yuz aysblɔk we de fɔdɔm lɛk renFɔ pwɛl pwɛl dɛn vayn gadin dɛn,
Ɛn i yuz dɛn bak fɔ dɔnawe wit dɛn sikamɔ stik dɛn.
48 I mek aysblɔk we de fɔdɔm lɛk renKil di animal dɛn we de wok fɔ dɛn,
Ɛn i mek laytnin* kil di animal dɛn we dɛn de mɛn.
49 I pul in wamat pan dɛn,I pul in vɛksteshɔn pan dɛn ɛn gi dɛn trɔbul,Bɔku bɔku enjɛl dɛn gi dɛn prɔblɛm.
50 I nɔ ol in wamat.
I nɔ sev dɛn mek dɛn nɔ day;Ɛn i mek sik we de prɛd mit dɛn.
51 Faynali, i kil ɔl di fɔs pikin dɛn na Ijipt,Di fɔs pikin dɛn we dɛn bɔn na Am in tɛnt dɛn.
52 I pul in pipul dɛn na Ijipt,Ɛn i gayd dɛn lɛk ship na di wildanɛs.*
53 I protɛkt dɛn we i bin de lid dɛn,Ɛn dɛn nɔ bin de fred;Di si kɔba dɛn ɛnimi dɛn.
54 Ɛn i kam wit dɛn na in oli ples,Dis eria we mawntin dɛn de we in rayt an bin dɔn tek.
55 I drɛb di neshɔn dɛn bifo dɛn;I mɛzhɔ fɔ gi dɛn prɔpati;I mek ɔl di trayb dɛn na Izrɛl gɛt dɛn yon ples.
56 Bɔt dɛn kɔntinyu fɔ chalenj* Gɔd We De Pantap Ɔlman,Ɛn dɛn bin de tɔn dɛn bak pan am;
Dɛn nɔ bin pe atɛnshɔn to di tin dɛn we i bin mɛmba dɛn.
57 Dɛn bin de tɔn dɛn bak pan Gɔd,
Ɛn dɛn nɔ bin fetful jɔs lɛk dɛn gret gret granpa dɛn.
Pɔsin nɔ de abop pan dɛn lɛk bo we in rop nɔ tay fayn.
58 Dɛn kɔntinyu fɔ ɔfɛn am wit dɛn ay ples dɛn,Ɛn dɛn mek i vɛks* wit dɛn imej dɛn we dɛn kav.
59 Gɔd yɛri ɛn i vɛks bad bad wan,So i pul an pan Izrɛl.
60 Faynali, i pul an pan di tabanakul na Shaylɔ,Di tɛnt usay i bin dɔn de midul mɔtalman.
61 I alaw mek dɛn kapchɔ di tin we tinap fɔ in trɛnk;Ɛn i alaw mek in ɛnimi dɛn kɛr in glori.
62 I an ova in pipul dɛn mek dɛn kil dɛn wit sɔd.I vɛks bad bad wan pan in pipul dɛn we na in prɔpati.
63 Faya bɔn in yɔŋman dɛn,Ɛn dɛn nɔ siŋ no mared siŋ fɔ in vajin dɛn.*
64 Dɛn kil in prist dɛn wit sɔd,Ɛn dɛn wɛf dɛn we dɛn day lɛf biɛn nɔ kray.
65 Dɔn Jiova wek lɛk se i bin de slip,I wek lɛk pawaful man we wayn dɔn lɛf.
66 Ɛn i drɛb in ɛnimi dɛn go bak;I mek dɛn disgres sote go.
67 I bin pul an pan Josɛf in tɛnt;Ɛn i nɔ bin pik Ifrem in trayb.
68 Bɔt i bin pik Juda in trayb,We na Mawnt Zayɔn we i lɛk.
69 I mek in oli ples fɔ de lɛk ɛvin,Lɛk di wɔl we i dɔn mek fɔ de sote go.
70 I pik Devid we na in savantƐn i pul am usay dɛn de mɛn ship dɛn,
71 I mek i lɛf fɔ mɛn kombra ship dɛn;I mek i bi shɛpad oba Jekɔp in pikin dɛn we na in pipul dɛnƐn oba Izrɛl in pikin dɛn we na in prɔpati.
72 I bin de waka tret wit Gɔd we i bin de kia fɔ dɛn,Ɛn i bin de tek tɛm lid dɛn fayn fayn wan.
Futnot Dɛn
^ Rid Baybul Wɔd dɛn Minin.
^ Ɔ “to di tin dɛn we a de tich.”
^ Insay Ibru, “Dɛn nɔ pripia dɛn at.”
^ Ɔ “wɔl.”
^ Rid Baybul Wɔd dɛn Minin.
^ Insay Ibru, “tɛst.”
^ Rid Baybul Wɔd dɛn Minin.
^ Ɔ “di enjɛl.”
^ Ɔ “de fɛt fɔ.”
^ Insay Ibru, “kɔba.”
^ Ɔ i kin bi, “Di spirit de go ɛn i nɔ de kam bak.”
^ Rid Baybul Wɔd dɛn Minin.
^ Ɔ “fil pen.”
^ Ɔ i kin bi, “ay ay fiva.”
^ Rid Baybul Wɔd dɛn Minin.
^ Ɔ “tɛst.”
^ Ɔ “jɛlɔs.”
^ Insay Ibru, “Ɛn dɛn nɔ prez in vajin dɛn.”
