Sam 95:1-11
95 Una kam lɛ wi ala wit gladi-at bifo Jiova!
Lɛ wi ala lawd wan to wi Rɔk we de sev wi.
2 Lɛ wi kam bifo am* fɔ tɛl am tɛnki;Lɛ wi siŋ ɛn ala lawd wan bifo am.
3 Bikɔs Jiova na Gɔd we gret,Na Kiŋ we gret pas ɔl ɔda gɔd dɛn.
4 Di dip dip say dɛn na di wɔl de na in an;Ɛn na in gɛt di ay ay pat dɛn na di mawntin.
5 Na in gɛt di si we i mek,Ɛn i yuz in an dɛn fɔ mek di dray grɔn.
6 Una kam lɛ wi wɔship ɛn butu;Lɛ wi nil dɔŋ bifo Jiova we mek wi.
7 Bikɔs in na wi Gɔd,Ɛn wi na in pipul dɛn.I de kia fɔ wi lɛk ship we de it gras.
Tide if una lisin to am,
8 Una nɔ mek strɔngat lɛk aw una bin du na Mɛriba*Ɛn lɛk aw una bin du na Masa* na di wildanɛs,*
9 We una gret gret granpa dɛn bin tɛst mi;Dɛn bin chalenj mi pan ɔl we dɛn bin dɔn si di tin dɛn we a de du.
10 Fɔ 40 ia, a et da jɛnɛreshɔn de ɛn a tɔk se:
“Dɛn na pipul dɛn we de go di rɔng we ɔltɛm,Dɛn de du wetin dɛn at tɛl dɛn,
Ɛn dɛn nɔ gri fɔ du wetin a want.”
11 So we mi at wam, a swɛ se:
“Dɛn nɔ go rɛst we a de rɛst.”
Futnot Dɛn
^ Insay Ibru, “bifo in fes.”
^ I min “Plaba.”
^ I min “Tɛst.”
^ Rid Baybul Wɔd dɛn Minin.
