KWƐSTYƆN 5
Wetin na di mɛsej we de na di Baybul?
“A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”
Jɛnɛsis 3:15
“Ɔl dɛn ɔda neshɔn dɛn go gɛt blɛsin tru yu jɛnareshɔn bikɔs yu obe am.”
Jɛnɛsis 22:18
“Lɛ yu kiŋdɔm kam. Mek wetin yu want bi na di wɔl lɛk aw yu want am na ɛvin.”
Matyu 6:10, NW
“I nɔ go te igen Gɔd we di gi kol at, go pwɛl Setan in pawa ɛn put am ɔnda una.”
“Bɔt wɛn Gɔd dɔn mek Krays gɛt pawa oba ɔltin, da tɛm de Krays insɛf we na di Pikin, go put insɛf ɔnda Gɔd we bin dɔn put ɔltin ɔnda am; so Gɔd in wangren go kam de oba dɛn ɔl.”
“Gɔd bin dɔn mek prɔmis to Ebraam ɛn in grampikin pikin . . . , ɛn da pɔsin de na Krays. If una ɔl na Krays yon pipul, dat min se una na Ebraam in grampikin pikin dɛm.”
“Na Gɔd we na wi Masta ɛn [di] Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”
“Dɛn drɛb di big dragɔn kɔmɔt na ɛvin, ib am dɔŋ na [di] wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na [di] wɔl, wit ɔl in mɛsenja dɛn.”
“I kech di dragɔn, dat na di snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.”
