KWƐSTYƆN 16
Aw yu go ebul bia wit tin dɛn we de mek yu wɔri?
“Lɛf ɔltin gi PAPA GƆD, ɛn i nɔ go lɛf yu dɔŋ; i nɔ de ɛva disapɔynt udat abop pan am.”
“Wɛn yu tek tɛm plan ɛn wok soba wan, yu de prɔfit; bɔt if yu want rɔn pas yu fut, yu go lɔsis.”
“Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.”
Ayzaya 41:10
“Una min se una layf go lɔŋ pas aw i fɔ lɔŋ, bikɔs una de wɔri?”
“Una fɔ lɛf tumara yon wɔri fɔ tumara; una nɔ put mɔ trɔbul pan unasɛf tide.”
“No wetin rayt na Gɔd in yay ɛn gladi fɔ du am.”
“Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki. Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.”
