“Na Bɛtliɛm Ɛfrata . . . , i go mek sɔmbɔdi kɔmɔt ɛn bi bigman insay Izrɛl.”

Mayka 5:2

“Jizɔs bin bɔn na wan tɔŋ we nem Bɛtliɛm we de na Judia. Ɛrɔd na bin kiŋ da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm.”

Matyu 2:1

“Dɛn sheb mi klos to dɛnsɛf dɛn ivin gyambul fɔ no aw fɔ sheb mi klos.”

Sam 22:18

“Di soja man dɛn se, ‘Lɛ wi nɔ kɔt am, una lɛ wi ib days fɔ pik udat go gɛt am.’”

Jɔn 19:24

“A go pul parebul we a de tɔk, a go tɛl una bɔt wetin una nɔ bin no we apin lɔntɛm.”

Sam 78:2

“Jizɔs pul parebul fɔ tɛl di pipul dɛn ɔl dɛn tin ya, i nɔ tɛl dɛn natin we nɔto parebul i tek tɔk am. I bin de pul parebul, so dat wetin di prɔfɛt bin tɔk go bi tru.”

Matyu 13:34, 35

“Na fɔ wi sin mek dɛn wund am.”

Ayzaya 53:5

“Wan pan di soja man dɛn tek lɔŋ nɛf ɛn chuk Jizɔs in sayd, blɔd ɛn wata bɔs kɔmɔt de wantɛm.”

Jɔn 19:34

“Dɛn pe am tati silva kɔpɔ.”

Zɛkaraya 11:12, 13

“Wan pan Jizɔs in lanin bɔy dɛn we nem Judas Iskariɔt go mit di bigman dɛn we de mek sakrifays fɔ pipul sin. I aks dɛn se, ‘Ɔmɔs una go pe mi if a mek una ol Jizɔs?’ Dɛn pe am tati silva kɔpɔ.”

Matyu 26:14, 15; 27:5