PAT 5
Frɔm we dɛn kɛr di Izrɛlayt dɛn Go na Babilɔn te di Izrɛlayt dɛn Bil Jerusɛlɛm in Wɔl Bak
We di Izrɛlayt dɛn bin de na Babilɔn, bɔku tin bin de apin to dɛn we tɛst dɛn fet. Dɛn put Shedrak, Mishak ɛn Abɛdnigo insay wan ples we wam wam faya de kech, bɔt Gɔd sev dɛn. Leta, pipul dɛn we kɔmɔt na Midya ɛn Pashya kam fɛt di pipul dɛn na Babilɔn, ɛn pul dɛn kɔntri na dɛn an. Dɔn, dɛn put Daniɛl insay wan ol we layɔn dɛn de. Bɔt Gɔd lɔk di layɔn dɛn mɔt fɔ mek dɛn nɔ du Daniɛl natin.
Afta ɔl dis, di kiŋ fɔ Pashya we nem Sayrɔs, kam fri di Izrɛlayt dɛn. Di Izrɛlayt dɛn tɔn bak na Jerusɛlɛm afta dɛn dɔn de na Babilɔn fɔ 70 ia. We dɛn kam bak na Jerusɛlɛm, dɛn bigin fɔ bil di tɛmpul. Bɔt sɔm bad pipul dɛn mek dɛn lɛf fɔ bil di tɛmpul. So, dɛn dɔn fɔ bil di tɛmpul afta lɛk 22 ia so frɔm we dɛn kam bak na Jerusɛlɛm.
Wi go lan bak bɔt aw Ɛzra go na Jerusɛlɛm fɔ go mek di tɛmpul fayn. I go na Jerusɛlɛm afta lɛk 47 ia so we di Izrɛlayt dɛn dɔn bil di tɛmpul. Dɔn, Nɛimaya go na Jerusɛlɛm fɔ go ɛp fɔ bil Jerusɛlɛm in wɔl afta Ɛzra bin dɔn go de fɔ 13 ia. Ɔltin na Pat FAYV apin insay 152 ia.
INSAY DIS SƐKSHƆN
STORI 77
Dɛn Nɔ Gri fɔ Wɔship Ɔda Gɔd
Gɔd go sev dɛn tri yɔŋ bɔbɔ dɛn ya we dɛn put dɛn insay di faya?
STORI 80
Di Izrɛlayt dɛn Kɔmɔt na Babilɔn
Kiŋ Sayrɔs mek wan prɔfɛsi kam tru bay we I bin win Babilɔn pan fɛt, ɛn naw I dɔn mek ɔda wan kam tru.
STORI 81
Di Izrɛlayt dɛn Abop Pan Jiova
Di Izrɛlayt dɛn obe Gɔd dɛn nɔ obe mɔtalman. Gɔd go blɛs dɛn?
STORI 82
Mɔdikaya ɛn Ɛsta
Kwin Vashti bin rili fayn bɔt wetin mek Kiŋ Aasirɔs bin stil mared Ɛsta ɛn mek am di nyu kwin?
STORI 83
Dɛn Bil di Wɔl we De Rawnd Jerusɛlɛm
We dɛn bin de bil di wɔl, di wokman dɛn bin nid fɔ gɛt dɛn sɔd ɛn spia dɛn as dɛn de wok.