PAT 6
Frɔm we Dɛn Bɔn Jizɔs te I Day
Gɔd sɛn wan enjɛl we nem Gebrɛl to wan fayn uman we nem Meri. I tɛl Meri se, Meri go bɔn wan pikin we go bi kiŋ sote go. Na di pikin in nem Jizɔs. Dɛn bɔn am na wan ples we dɛn de kip animal dɛn. Sɔm shɛpad dɛn go fɛn am de. Leta, wan sta kɛr sɔm man dɛn go usay Jizɔs de. Dɛn man ya kɔmɔt na di Ist. Wi go lan bɔt udat mek dɛn si di sta, ɛn aw Jiova sev Jizɔs we dɛn bin de tray fɔ kil am.
Afta dat, wi go lan bɔt aw Jizɔs bin de tɔk wit di ticha dɛn na di tɛmpul we i ol 12 ia. Jizɔs baptayz we i ol 30 ia. Dɔn i bigin fɔ prich ɛn tich pipul dɛn bɔt Gɔd in kiŋdɔm bikɔs na dis wok ya in papa sɛn am fɔ kam du. Jizɔs pik 12 man dɛn fɔ bi in apɔsul dɛn, so dat dɛn go ɛp am fɔ du dis wok.
Jizɔs du bɔku mirekul dɛn. I tek smɔl bred ɛn smɔl fish fɔ fid bɔku bɔku pipul dɛn. I mɛn di wan dɛn we sik ɛn gi layf bak to di wan dɛn we dɔn day. Wi go lan bɔt plɛnti tin dɛn we apin to Jizɔs di de we i day, ɛn aw dɛn kil am. Jizɔs prich fɔ lɛk tri ɛn af ia so. Ɔltin we apin na PAT 6 tek lɛk 34 ia so.
INSAY DIS SƐKSHƆN
STORI 85
Si Ples we Dɛn Bɔn Jizɔs
Wetin mek dɛn go bɔn pɔsin we gɛt fɔ bi kiŋ na say usay animal dɛn de it?
STORI 86
Sɔm Man dɛn We No Bɔt Sta
Udat gayd di tri man dɛn fɔ go to Jizɔs? Yu go sɔprayz fɔ no di ansa.
STORI 88
Jɔn Baptayz Jizɔs
Na pipul dɛn we de sin na dɛn Jɔn bin de baptayz. Bɔt Jizɔs nɔ wande sin so wetin mek Jɔn bin baptayz am?
STORI 91
Jizɔs Tich Pipul dɛn Ɔp Wan Mawnten
Lan fayn fayn tin dɛn frɔm wetin Jizɔs bin tich ɔp wan mawnten.
STORI 92
Jizɔs Wek Dayman
Jizɔs yuz Gɔd in pawa, tɔk tu simpul wɔd dɛn ɛn gi layf bak to Jayrɔs in gyalpikin.
STORI 94
Jizɔs Lɛk Smɔl Pikin Dɛn
Jizɔs bin tich in disaypul dɛn se dɛn nɔ jɔs gɛt bɔku tin fɔ lan bɔt pikin dɛn, bɔt dɛn gɛt bɔku tin fɔ lan frɔm pikin dɛn.
STORI 95
Di we Aw Jizɔs bin De Tich
Jizɔs b in de yuz parebul dɛn fɔ tich. Wan in parebul dɛn na di wan bɔt di gud Samɛritan.
STORI 96
Jizɔs Mɛn Pipul dɛn We Sik
Wit ɔl di mirekul dɛn we Jizɔs bin pafɔm, wetin dat bin mek I ebul fɔ du?
STORI 97
Jizɔs Go na Jerusɛlɛm Lɛk Kiŋ
Bɔku pipul dɛn bin wɛlkɔm am, bɔt nɔto ɔlman bin gladi bɔt dat.
STORI 98
Jizɔs De Ɔp Mawnt Ɔliv
Jizɔs tɛl 4 pan in apɔsul dɛn bɔt di tin dɛn we gɛt fɔ apin insay wi tɛm.