Fɔ bi Gɔd in padi na di bɛst tin fɔ yu. Gɔd go tich yu aw yu go gladi ɛn yu nɔ go wɔri fɔ ɛnitin; i go fri yu frɔm bɔku tin we nɔ rayt, ɛn go mek yu pul an pan bɔku bad tin we pipul dɛn de du. I go yɛri we yu de pre. I go ɛp yu fɔ gɛt kolat. (Sam 71:5; 73:28) Gɔd go ɛp yu we yu gɛt trɔbul. (Sam 18:18) Gɔd go gi yu layf we go de sote go.—Lɛta Fɔ Rom 6:23.

As yu de kam nia Gɔd, na so yu go de kam nia Gɔd in padi dɛn. Dɛnsɛf go bi yu padi. Dɛn go tan lɛk fambul to yu. Dɛn go gladi fɔ tich yu bɔt Gɔd ɛn go ɛp ɛn ɛnkɔrej yu.

Wi ɛn Gɔd nɔ ikwal. We yu want bi Gɔd in padi, yu fɔ no wan impɔtant tin. Padi biznɛs wit Gɔd nɔ tan lɛk padi biznɛs wit yu ɛn yu kɔmpin. I big pas wi, gɛt sɛns pas wi ɛn gɛt pawa fawe pas wi. Na in gɛt rayt fɔ rul wi. So if wi want bi in padi, wi fɔ lisin to am ɛn du wetin i de tɛl wi fɔ du. Dis go bi fɔ wi yon bɛtɛ wan ɔltɛm.—Jɔn In Fɔs Lɛta 5:3.