Setan de tray fɔ mek pipul dɛn du bad. Pɔsin we want bi Gɔd in padi, fɔ et wetin Jiova et. (Sam 97:10) Dis na sɔm pan di tin dɛn we Gɔd in padi dɛn nɔ fɔ du:

Mami ɛn dadi biznɛs. Maredman “nɔ fɔ lɛf in wɛf go kip ɔda uman ɛn [mared] uman nɔ fɔ lɛf in man go kip ɔda man.” (Lɛta Fɔ Rom 13:9) I bad fɔ du mami ɛn dadi biznɛs bifo yu mared.—Fɔs Lɛta Fɔ Kɔrint 6:18.

Dɛn wan we de drink te dɛn chak. “Dɛn wan we de drɔnk . . . nɔ go go na di say we Gɔd de rul.”—Fɔs Lɛta Fɔ Kɔrint 6:10.

Fɔ kil ɔ fɔ pwɛl bɛlɛ. “Yu nɔ fɔ kil.”—Jems 2:11.

Tif. “Yu nɔ fɔ tif.”—Mak 10:19.

Lay. Jiova et “pɔsin we lɛk fɔ lay.”—Prɔvabs 6:17.

 Wam at ɛn pɔsin we de du bad. “[Jiova] nɔ lɛk udat lɛk fɔ du bad.” (Sam 11:5) Wan pan di tin dɛn we “mɔtalman lɛk fɔ du: . . . dɛn de vɛks pan dɛn kɔmpin.”—Lɛta Fɔ Galeshya 5:19, 20.

Gambul. “Una nɔ fɔ gɛt natin fɔ du wit ɛnibɔdi . . . we want ɔltin fɔ insɛf.”—Fɔs Lɛta Fɔ Kɔrint 5:11.

Nɔ et pɔsin fɔ in kɔla ɔ trayb. “Una fɔ lɛk dɛn pipul we nɔ lɛk una, ɛn una fɔ pre fɔ dɛn pipul we de mek una sɔfa.”—Matyu 5:43, 44.

Di tin dɛn we Gɔd de tɛl wi na fɔ wi yon bɛtɛ wan. I nɔ kin izi fɔ lɛf wetin bad, bɔt Jiova ɛn in Witnɛs dɛn go ɛp yu fɔ lɛf di tin we de mek Gɔd nɔ gladi.—Lɛta Fɔ Filipay 4:13; Di Ibru Pipul Dɛn 10:24, 25.