CHAPTA 16
Tinap Tranga Wan fɔ Fɛt Setan
“Tinap fɔ fɛt Setan, i go rɔnawe.”—JEMS 4:7.
1, 2. Wetin wi nid fɔ ɔndastand bɔt Setan ɛn in dɛbul dɛn?
LAYF na Jiova in nyu wɔl go rili wɔndaful. Da tɛm de wi go liv lɛk aw Gɔd bin want wi fɔ de. Bɔt rayt naw wi de na wɔl we Setan ɛn in dɛbul dɛn de kɔntrol. (Sɛkɔn Lɛta fɔ Kɔrint 4:4, NW) Pan ɔl we wi nɔ de si dɛn, dɛn de ɛn dɛn rili gɛt pawa.
2 Insay dis chapta, wi go tɔk bɔt aw wi go de nia Jiova ɛn protɛkt wisɛf frɔm Setan. Jiova dɔn prɔmis se i go ɛp wi. Bɔt wi nid fɔ ɔndastand di we dɛn we Setan ɛn in dɛbul dɛn de yuz fɔ ful wi ɛn fɔ atak wi.
SETAN TAN “LƐKƐ AŊRI LAYƆN”
3. Wetin Setan want wi fɔ du?
3 Setan bin dɔn tɔk se mɔtalman de wɔship Jiova bikɔs dɛn jɔs bisin bɔt wetin dɛn go gɛt ɛn dɛn go stɔp fɔ wɔship Am if tin nɔ izi fɔ dɛn. (Rid Job 2:4, 5.) We sɔmbɔdi sho se i want fɔ lan bɔt Jiova, Setan ɛn in dɛbul dɛn kin notis dis ɛn dɛn kin tray fɔ stɔp am. Dɛn kin vɛks we pɔsin gi in layf to Jiova ɛn baptayz. Di Baybul se Setan tan lɛk “aŋri layɔn” we de “fɛn udat in go fɔdɔm pan.” (Pita In Fɔs Lɛta 5:8) Setan want fɔ pwɛl wi padi biznɛs wit Jiova.—Sam 7:1, 2; Sɛkɛn Lɛta To Timoti 3:12.
Setan de vɛks we wi gi wi layf to Jiova
4, 5. (a) Wetin Setan nɔ ebul fɔ du? (b) Wetin i min fɔ “tinap fɔ fɛt Setan”?
4 Wi nɔ nid fɔ fred Setan ɛn in dɛbul dɛn. Nɔto ɔltin Jiova go alaw Setan fɔ du to wi. Jiova prɔmis se we da “big trɔbul [“gret tribyuleshɔn,” NW]” go kam, i go sev di gret krawd we na tru Kristian dɛn. (Rɛvɛleshɔn 7:9, 14) Natin nɔ de we Setan go du fɔ mek dat nɔ apin, bikɔs Jiova de protɛkt in pipul dɛn.
Sɛkɛn Kronikul 15:2; rid Fɔs Lɛta Fɔ Kɔrint 10:13.) Bɔku fetful man ɛn uman dɛn we bin de trade lɛk Ebɛl, Inɔk, Noa, Sera, ɛn Mozis, bin tinap tranga wan fɔ fɛt Setan bay we dɛn bin gɛt tayt padi biznɛs wit Jiova. (Di Ibru Pipul Dɛn 11:4-40) Wisɛf kin du di sem tin tide. Gɔd in Wɔd prɔmis wi se: “Una tinap fɔ fɛt Setan, i go rɔnawe go lɛf una.”—Jems 4:7.
5 If wi gɛt tayt padi biznɛs wit Jiova, Setan nɔ go ebul pwɛl wi padi biznɛs wit Am. Gɔd in Wɔd prɔmis wi se: “PAPA GƆD [“Jiova,” NW] de wit una we una de wit am.” (WI GƐT WƆ FƆ FƐT
6. Aw Setan de atak wi?
6 Pan ɔl we Setan no se nɔto ɔltin Jiova go alaw am fɔ du to wi, i go stil tray fɔ du ɛnitin we go ambɔg wi padi biznɛs wit Gɔd. Tide, Setan de atak wi difrɛn we dɛn, ɛn i de yuz difrɛn trik dɛn we i bin dɔn de yuz fɔ lɔng tɛm. Wetin na sɔm pan dɛn trik dɛn ya?
7. Wetin mek Setan de atak Jiova in pipul dɛn?
7 Di apɔsul Jɔn bin rayt se na “Setan de rul di ol wɔl.” (Jɔn In Fɔs Lɛta 5:19) Na Setan de kɔntrol dis wikɛd wɔl, ɛn i go want fɔ kɔntrol Jiova in pipul dɛn bak. (Mayka 4:1; Jɔn 15:19; Rɛvɛleshɔn 12:12, 17) Setan no se na smɔl tɛm nɔmɔ dɔn lɛf fɔ am, so i de du ɔl wetin i ebul fɔ mek wi nɔ kɔntinyu fɔ de biɛn Gɔd. Sɔntɛnde, Setan kin atak wi fes-to-fes, bɔt ɔda tɛm dɛn i kin yuz kɔni kɔni we dɛn fɔ atak wi.
8. Wetin tru Kristian dɛn nid fɔ no?
8 Wi rid na Lɛta Fɔ Ɛfisɔs 6:12 se: “Wi nɔ de fɛt mɔtalman, wi de fɛt dɛn pawa we wi nɔ de si . . . dɛn wan we de ɔp ɔp na di klawd.” Ɛnibɔdi we na tru Kristian gɛt fɔ fɛt Setan ɛn in dɛbul dɛn. Wi nid fɔ no se ɔl di wan dɛn we dɔn gi dɛn layf to Jiova de fɛt dis fɛt. Insay di lɛta we di apɔsul Pɔl bin rayt fɔ ɛnkɔrej Kristian dɛn we bin de na Ɛfisɔs, i bin tɛl dɛn se dɛn fɔ “tinap traŋa” wan.—Lɛta Fɔ Ɛfisɔs 6:11, 13, 14.
9. Wetin Setan ɛn in Dɛbul dɛn de tray fɔ du to wi?
9 Setan ɛn in dɛbul dɛn kin tray fɔ ful wi difrɛn we dɛn. I nɔ min se if wi dɔn tinap tranga wan fɔ fɛt agens Setan pan wan tin dat min se i nɔ go ebul wi pan ɔda tin. Setan kin tray fɔ fɛn say dɛn we wi nɔ de du wɛl so dat i go yuz am as trap fɔ kech wi. Bɔt wi nɔ fɔ alaw Setan fɔ kech wi, bikɔs di Baybul dɔn sho wi di trap dɛn we i de yuz. (Sɛkɛn Lɛta Fɔ Kɔrint 2:11; luk Ɛndnot 31 na pej 254.) Wan pan dɛn we dɛn ya na juju biznɛs.
NƆ GƐT ƐNITIN FƆ DU WIT DƐBUL DƐN
10. (a) Wetin i min fɔ put an pan dɛbul biznɛs? (b) Aw Jiova de si juju biznɛs?
10 Dɛbul biznɛs na we pɔsin gɛt sɔntin fɔ du wit di dɛbul dɛn. Fɔ ɛgzampul, lukin-grɔn, wich biznɛs, we pɔsin yuz juju fɔ du bad tin to ɔda pɔsin, ɔ fɔ tray fɔ tɔk to dayman dɛn. Di Baybul tɛl wi se juju biznɛs na tin we Jiova “et” ɛn wi nɔ go de put an pan juju biznɛs ɛn wɔship Jiova di sem tɛm. (Ditarɔnɔmi 18:10-12; Rɛvɛleshɔn 21:8) Ɔl tru Kristian dɛn fɔ avɔyd ɛnitin we gɛt fɔ du wit dɛbul dɛn.—Lɛta Fɔ Rom 12:9.
11. Wetin go apin if wi want fɔ no bɔt dɛbul biznɛs?
11 Setan no se if wi gɛt sɔntin fɔ du wit di dɛbul dɛn, dat go izi fɔ am fɔ mek wi put an pan juju
biznɛs. Ɛnitin we gɛt fɔ du wit dɛbul dɛn de pwɛl wi padi biznɛs wit Jiova.SETAN KIN TRAY FƆ FUL WI
12. Aw Setan kin kɔnfyus di we aw wi de tink?
12 Setan kin tray fɔ kɔnfyus di we aw pipul dɛn de tink. Smɔl smɔl, i kin mek pipul dɛn bigin dawt, dɔn dɛn kin bigin “kɔl bad, gud ɛn gud, bad.” (Ayzaya 5:20) Setan de mek pipul dɛn tink se di advays dɛn we de na di Baybul nɔ de ɛp wi, ɛn wi go gɛt gladi-at if wi nɔ fala Gɔd in lɔ dɛn.
13. Aw Setan dɔn tray fɔ mek pipul dɛn dawt?
13 Wan pan di men tin dɛn we Setan de yuz na fɔ mek pipul dɛn dawt. I dɔn de yuz dis fɔ lɔng tɛm. Na di gadin we bin de na Idɛn, i bin tray fɔ mek Iv dawt bay we i aks am se: “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?” (Jɛnɛsis 3:1) Leta, insay Job in tɛm, bifo bɔku enjɛl dɛn, Setan bin aks Jiova se: “Yu fil se na fɔ natin mek Job de fred yu?” (Job 1:9) Afta Jizɔs baptayz, Setan bin chalenj Jizɔs bay we i tɛl am se: “If yu na Gɔd in pikin, tɛl dɛn ston ya fɔ tɔn to bred.”—Matyu 4:3.
14. Aw Setan kin mek pipul dɛn dawt se dɛbul biznɛs na tin we nɔ rili bad?
14 Tide, Setan de kɔntinyu fɔ mek pipul dɛn dawt. I de tray fɔ mek pipul dɛn dawt if dɛbul biznɛs rili bad bay we i de mek i tan lɛk se sɔm kayn dɛn nɔ rili bad. Ivin sɔm Kristian dɛn kin bigin fɔ fil se i nɔ rili bad. (Sɛkɛn Lɛta Fɔ Kɔrint 11:3) So wetin wi go du fɔ protɛkt wisɛf? Aw wi go mek shɔ se wi nɔ alaw Setan fɔ ful wi? Lɛ wi tɔk bɔt tu we dɛn we i kin yuz fɔ ful wi: fɔ ɛnjɔy wisɛf ɛn us tritmɛnt wi go tek.
SETAN DE YUZ DI TIN DƐN WE WI LƐK FƆ GƐT WI
15. Aw wi go put an pan dɛbul biznɛs bay di we aw wi de ɛnjɔy wisɛf?
15 Tide, bɔku fim dɛn, tɛlivishɔn sho dɛn, kɔmpyuta gem dɛn, ɛn Intanɛt sayt dɛn de sho dɛbul biznɛs, majik, ɛn juju biznɛs. Bɔku pipul dɛn kin si dɛn tin ya as fɔn ɛn dɛn nɔ kin si se i bad fɔ lɛ dɛn alaw dɛbul dɛn na dɛn layf. Sɔmbɔdi kin put an pan dɛbul biznɛs bay we i put an pan tin dɛn lɛk fɔ rid in sta, fɔ rid in pam, ɛn plɛnti ɔda tin dɛn. Setan de mek pipul dɛn fil se dɛn tin ya nɔ bad, ɛn i de tray fɔ mek dɛn tin dɛn de luk wɔndaful, fɔni, ɛn fayn fɔ wach. Sɔmbɔdi kin tink se i nɔ rili bad fɔ wach fim we gɛt sɔntin fɔ du wit dɛbul ɔ juju biznɛs wans i nɔ rili put an pan dɛbul biznɛs. Wetin mek i bad fɔ tink da kayn we de?—Fɔs Lɛta Fɔ Kɔrint 10:12.
16. If wi de pik we dɛn fɔ ɛnjɔy wisɛf, wetin mek wi fɔ avɔyd tin dɛn we gɛt fɔ du wit juju biznɛs?
16 Setan ɛn in dɛbul dɛn nɔ de ebul no wetin wi de tink. Bɔt dɛn kin no wetin wi want ɛn aw wi de tink bay we dɛn de wach wetin wi de disayd fɔ du fɔ wisɛf, fɔ wi famili, ɛn ivin wetin wi de pik fɔ ɛnjɔy wisɛf. If wi pik fim, myuzik, ɔ buk dɛn we de tɔk bɔt dɛbul dɛn, majik, pɔsin we gɛt dɛbul, wichman dɛn, vampaya dɛn, ɔ ɔda tin dɛn we gɛt fɔ du wit dɛbul biznɛs, Setan ɛn in dɛbul dɛn go no se wi want fɔ no bɔt dɛn. Dɔn, Setan ɛn in dɛbul dɛn go Lɛta Fɔ Galeshya 6:7.
tray fɔ mek wi put an pan juju biznɛs.—Rid17. Setan no se wi want fɔ gɛt wɛlbɔdi, aw i kin yuz dat fɔ ambɔg wi?
17 Setan no se wi want fɔ gɛt wɛlbɔdi, so i de yuz dat fɔ ambɔg wi. Tide, bɔku pipul dɛn de sɔfa bikɔs dɛn sik. Di pɔsin go dɔn tray difrɛn tritmɛnt dɛn, bɔt i nɔ ebul gɛt wɛlbɔdi. (Mak 5:25, 26) I kin rili want fɔ gɛt wɛlbɔdi ɛn i go rɛdi fɔ go to mɛrɛsin man ɔ fɔ fala tritmɛnt ɔ tin dɛn we gɛt fɔ du wit dɛbul biznɛs. Bɔt as Kristian dɛn, wi rili nid fɔ tek tɛm fɔ lɛ wi nɔ pik ɛni tritmɛnt dɛn we gɛt fɔ du wit dɛbul biznɛs.—Lɛvitikɔs 19:31.
Abop pan Jiova we yu sik
18. Uskayn tritmɛnt Kristian dɛn fɔ avɔyd?
Prɔvabs 28:9) Jɔs imajin, Jiova nɔ go ivin lisin to dɛn prea! So wi nɔ want fɔ du ɛnitin we go pwɛl wi padi biznɛs wit Jiova ɛn we go mek i nɔ ɛp wi, mɔ di tɛm we wi sik. (Sam 41:3) So wi fɔ tray fɔ no if ɛni tritmɛnt we wi want fɔ tek nɔ gɛt ɛnitin fɔ du wit dɛbul ɔ juju biznɛs. (Matyu 6:13, NW) If i bi se i gɛt sɔntin fɔ du wit dɛbul ɔ juju biznɛs, wi nid fɔ avɔyd am!—Luk Ɛndnot 32 na pej 255.
18 Jiova bin wɔn di wan dɛn we de pwɛl in lɔ dɛn se: “Udat nɔ obe PAPA GƆD in lɔ, PAPA GƆD et in prea ɛn nɔ go ansa dɛnsɛf we [dɛn] de pre.” (STORI DƐN BƆT DƐBUL BIZNƐS
19. Wetin dɔn mek bɔku pipul dɛn de fred Setan?
19 We sɔm pipul dɛn de tink se Setan ɛn i dɛbul dɛn nɔ rial, ɔda wan dɛn no se dɛn rial bikɔs sɔntin dɔn apin to dɛn we sho se dɛn de. Bɔku pipul dɛn de fred wikɛd spirit dɛn ɛn dɛn dɔn tɔn slev to kɔstɔm dɛn we gɛt fɔ du wit juju biznɛs. Ɔda wan dɛn de mek pipul dɛn fred di dɛbul dɛn bay we dɛn de pul stori dɛn we de tɔk bɔt di bad bad tin dɛn we dɛbul dɛn de du to mɔtalman. Bɔku tɛm, pipul dɛn kin kɔle di dɛbul dɛn ɛn dɛn kin gladi fɔ tɛl ɔda pipul dɛn bɔt dɛn stori ya. Plɛnti tɛm, dɛn stori ya kin mek pipul dɛn fred Setan.
20. Aw wi go ɛp fɔ skata Setan in lay lay stori dɛn?
20 Mɛmba se Setan want mek pipul dɛn fred am. (Sɛkɔn Lɛta fɔ Tɛsalonayka 2:9, 10, NW) In na layman we no aw fɔ ful di wan dɛn we de put an pan dɛbul biznɛs ɛn mek dɛn biliv di tin dɛn we nɔto tru. Dɛn pipul dɛn ya kin pul stori dɛn bɔt tin dɛn we dɛn tink se dɛn si ɔ yɛri. Di mɔ we pipul dɛn de pul dɛn stori ya, na di mɔ dɛn de ad pan di stori. Wi nɔ fɔ de ripit dɛn stori dɛn ya, bikɔs wi go ɛp Setan fɔ mek pipul dɛn fred am.—Jɔn 8:44; Sɛkɛn Lɛta To Timoti 2:16.
21. Bifo wi pul stori dɛn we gɛt fɔ du wit dɛbul biznɛs, wetin wi fɔ tɔk bɔt?
21 If wan pan Jiova in savant dɛn bin dɔn gɛt sɔntin fɔ du wit dɛbul biznɛs, i nɔ fɔ de ripit di stori to ɔda pipul dɛn fɔ mek dɛn kɔle. Jiova in pipul dɛn nɔ nid fɔ fred ɛnitin we Setan ɛn in dɛbul dɛn de du. Bifo dat, wi fɔ de tɔk bɔt Jizɔs ɛn ɔl di pawaful tin dɛn we Jiova mek i du fɔ mɔtalman. (Di Ibru Pipul Dɛn 12:2, NW) Jizɔs nɔ bin de pul stori dɛn bɔt di dɛbul dɛn fɔ mek in disaypul dɛn kɔle. I bin pe atɛnshɔn mɔ pan di gud nyuz bɔt di Kiŋdɔm ɛn di “pawaful tin dɛn bɔt Gɔd.”—Di Apɔsul dɛn Wok [Akt] 2:11, NW; Lyuk 8:1; Lɛta Fɔ Rom 1:11, 12.
22. Wetin yu dɔn mekɔp yu maynd fɔ du?
22 Wi fɔ mɛmba se Setan in gol na fɔ pwɛl wi padi biznɛs wit Jiova. I go tray fɔ du ɛnitin fɔ mek dat apin. Bɔt wi no di tin dɛn we Setan kin du, ɛn wi dɔn mekɔp wi maynd fɔ tinap tranga wan nɔ fɔ put an pan ɛnikayn dɛbul biznɛs. Wi nɔ go “gi Setan [di] chans” fɔ pwɛl wetin wi dɔn mekɔp wi maynd fɔ du. (Rid Lɛta Fɔ Ɛfisɔs 4:27.) Fɔ tru, if wi kɔntinyu fɔ tinap tranga wan fɔ fɛt Setan, i nɔ go ebul kech wi wit in trap dɛn ɛn Jiova go protɛkt wi.—Lɛta Fɔ Ɛfisɔs 6:11.