WE YU DE MEK DISAYPUL
LƐSIN 10
Rɛdi fɔ Ɛp Pipul Dɛn
Prinsipul: “Wi nɔ jɔs mekɔp wi maynd fɔ tɛl una di gud nyuz, bɔt wi gi wisɛf to una bak, bikɔs wi rili lɛk una.”—1 Tɛs. 2:8.
Wetin Jizɔs Bin Du?
1. Wach di VIDIO, ɔ rid Jɔn 3:1, 2. Dɔn tink bɔt dɛn kwɛstyɔn dɛn ya:
-
Wetin mek Nikodimɔs go dɔn disayd fɔ go to Jizɔs na nɛt?—Luk Jɔn 12:42, 43.
-
We Jizɔs bin gri fɔ mit Nikodimɔs na nɛt, aw dat sho se i bin rɛdi fɔ mek disaypul?
Wetin Wi Lan Frɔm Jizɔs?
2. Wi de sho se wi lɛk pipul dɛn bay we wi rɛdi fɔ ɛp dɛn fɔ bi disaypul.
Falamakata Jizɔs
3. Stɔdi di pɔsin di tɛm ɛn ples we fayn fɔ am. Di pɔsin kin pik wan patikyula de insay di wik ɔ tɛm insay di de. Fɔ se i go lɛk fɔ stɔdi na in wokples, in os, ɔ pɔblik ples? Du ɔl wetin yu ebul fɔ ajɔst di tin dɛn we yu de du fɔ stɔdi wit di pɔsin.
4. Stɔdi ɔltɛm. If yu nɔ gɛt fɔ de, lɛ dat nɔ mek una nɔ stɔdi. Bifo dat, tink bɔt dɛn kwɛstyɔn ya:
5. Pre fɔ lɛ yu tink di rayt we. Pre mek Jiova ɛp yu fɔ mek yu nɔ giv-ɔp pan yu studɛnt, ilɛksɛf i nɔ de stɔdi ɔltɛm ɔ i slo fɔ du di tin dɛn we i de lan. (Fil. 2:13) I go bi se yu studɛnt gɛt bɔku fayn kwaliti dɛn; pre mek Jiova ɛp yu fɔ pe atɛnshɔn to dɛn.
