WE YU GO FƐN PƆSIN BAK
LƐSIN 8
Na fɔ Peshɛnt
Prinsipul: “Lɔv de mek pɔsin peshɛnt.”—1 Kɔr. 13:4.
Wetin Jizɔs Bin Du?
1. Wach di VIDIO, ɔ rid Jɔn 7:3-5 ɛn 1 Kɔrintians 15:3, 4, 7. Dɔn tink bɔt dɛn kwɛstyɔn dɛn ya:
Wetin Wi Lan Frɔm Jizɔs?
2. Wi nid fɔ peshɛnt bikɔs sɔm pipul dɛn kin tek lɔng tɛm fɔ du wetin dɛn de lan pas ɔda wan dɛn.
Falamakata Jizɔs
3. Tray difrɛn we dɛn fɔ tɔk to pɔsin. If di pɔsin nɔ gri fɔ stɔdi di Baybul wantɛm wantɛm, nɔ fos am. Pik di rayt tɛm fɔ yuz vidio ɔ atikul dɛn fɔ ɛp am fɔ ɔndastand wetin kin apin pan ɛni Baybul stɔdi ɛn aw i go bɛnifit frɔm am.
4. Nɔ kɔmpia. Ɔlman difrɛn. If yu fambul ɔ ritɔn visit de westɛm fɔ stɔdi di Baybul ɔ fɔ gri wit wetin di Baybul de tich, tray fɔ no wetin mek i de westɛm. Fɔ se i biliv wan patikyula tin we i rili lɛk, ɔ in fambul ɛn neba dɛn de mɔna am? Gi am tɛm fɔ tink bɔt wetin yu dɔn se ɛn fɔ gladi fɔ wetin di Baybul de tich.
5. Pre fɔ di pɔsin we want fɔ no mɔ. Beg Jiova fɔ ɛp yu fɔ kɔntinyu fɔ tink di rayt we ɛn tek tɛm tɔk. Pre to am fɔ ɛp yu fɔ no ustɛm fɔ stɔp fɔ go to pɔsin we nɔ rili want fɔ no mɔ.—1 Kɔr. 9:26.
