Ajɔst yu vɔlyum we yu de tɔk. Es yu vɔys we yu de tɔk fɔ mek lɛ pipul dɛn no di men pɔynt dɛn ɛn fɔ tɔch dɛn at. Du di sem tin we yu de rid skripchɔ we de tɔk bɔt jɔjmɛnt mɛsej. Put yu vɔys dɔŋ fɔ mek pipul dɛn want fɔ no mɔ ɔ fɔ sho we pɔsin de fred ɔ wɔri.

Chenj yu vɔys. Yu kin tɔk lawd wan fɔ sho zil ɔ fɔ tɔk bɔt sayz ɔ distans if una kin du dat insay una langwej. Chenj yu vɔys ɛn tɔk lo wan we yu de tɔk bɔt sɔri tin ɔ tin we de mek pɔsin wɔri.

Ajɔst di we aw yu de tɔk. Tɔk fast fast fɔ sho se yu gladi. Tɔk wan wan we yu de tɔk bɔt impɔtant pɔynt dɛn.