STƆDI 3
Yuz Kwɛstyɔn Dɛn
Matyu 16:13-16
WETIN FƆ DU: Tek tɛm aks kwɛstyɔn dɛn we go mek pipul dɛn gɛt intrɛst, kɔntinyu fɔ lisin to yu, ɛn tink bɔt wetin yu de tɔk bɔt. Tɔk mɔ bɔt di impɔtant pɔynt dɛn.
AW FƆ DU AM:
-
Mek lɛ pipul dɛn kɔntinyu fɔ gɛt intrɛst. Aks kwɛstyɔn dɛn we go mek di pɔsin tink mɔ ɛn want fɔ no mɔ bɔt wetin yu de tɔk bɔt.
-
Tɔk bɔt di tɔpik. Ɛp di wan dɛn we de lisin to yu fɔ ɔndastand di men pɔynt dɛn we yu de tɔk bɔt bay we yu de aks difrɛn kwɛstyɔn dɛn we go mek dɛn ɔndastand wetin yu de tɔk bɔt.
-
Tɔk mɔ bɔt di impɔtant pɔynt dɛn. Aks kwɛstyɔn fɔ sho di men pɔynt we yu de tɔk bɔt. Yuz rivyu kwɛstyɔn dɛn afta we yu dɔn tɔk bɔt di impɔtant pɔynt dɛn, ɔ we yu de dɔn fɔ tɔk bɔt di tɔpik.
