Go dayrɛkt to di men tin

Go dayrɛkt to di say we di difrɛn difrɛn atikul dɛn de

Lɔg In (opens new window)
Fɛn JW.ORG

Advays

Advays

We pɔsin advays wi

Wetin mek wi fɔ fɛn advays frɔm di Baybul?

Sam 32:8; Prɔ 15:22; 19:20; 20:18

Luk bak Prɔ 11:14; Ayz 28:29; Jɛr 32:19

Wetin mek i fayn fɔ lisin to advays ɛn nɔ tray fɔ mek ɛksyuz fɔ wetin wi du?

Prɔ 12:15; 29:1

Luk bak Prɔ 1:23-31; 15:31

  • Impɔtant Baybul ɛgzampul (dɛn) we go ɛp yu:

    • 1Sa 15:3, 9-23​—We prɔfɛt Samiɛl kɔrɛkt Sɔl, di kiŋ tray fɔ mek ɛksyuz ɛn nɔ gri fɔ tek di advays, so Jiova vɛks pan am

    • 2Kr 25:14-16, 27​—Kiŋ Amazaya sin ɛn i nɔ lisin to di advays we Jiova in prɔfɛt gi am, dat mek i lɔs in padi biznɛs wit Jiova ɛn i stɔp fɔ protɛkt am

Wetin mek wi fɔ rɛspɛkt ovasia dɛn we de advays wi?

1Tɛ 5:12; 1Ti 5:17; Ibr 13:7, 17

  • Impɔtant Baybul ɛgzampul (dɛn) we go ɛp yu:

    • 3Jɔ 9, 10​—Di tɛm we apɔsul Jɔn bin ol, i tɔk pan Dayɔtrifis bikɔs i nɔ gɛt rɛspɛkt fɔ di wan dɛn we bin de bifo na di kɔngrigeshɔn

Wetin mek wi fɔ lisin to di ol wan dɛn?

Liv 19:32; Prɔ 16:31

Luk bak Job 12:12; 32:7; Tay 2:3-5

  • Impɔtant Baybul ɛgzampul (dɛn) we go ɛp yu:

    • 1Sa 23:16-18​—Kiŋ Devid lisin to di advays we Jonɛtan we bin ol pas am fɔ lɛk 30 ia gi am, ɛn dat gi am trɛnk

    • 1Ki 12:1-17​—Kiŋ Rɛoboam nɔ lisin to di fayn advays we di ol wan dɛn gi am ɛn tek di bad advays we di yɔŋ man dɛn gi am, so dat mek bad tin apin

Wetin sho se fetful uman dɛn ɛn yɔŋ wan dɛn we de sav Jiova kin gi fayn advays?

Job 32:6, 9, 10; Prɔ 31:1, 10, 26; Ɛkl 4:13

Luk bak Sam 119:100

  • Impɔtant Baybul ɛgzampul (dɛn) we go ɛp yu:

    • 1Sa 25:14-35​—Abigɛl gi Kiŋ Devid advays we sev bɔku pipul dɛn layf ɛn mek Devid nɔ kil inosɛnt pipul dɛn

    • 2Sa 20:15-22​—Wan uman we gɛt sɛns we bin de na wan siti we nem Ebɛl gi advays we sev di wan ol siti

    • 2Ki 5:1-14​—Wan smɔl Izrɛlayt titi tɔk sɔntin we mek wan pawaful fɛtman no wetin fɔ du fɔ mɛn in lɛprɔsi

Wetin mek wi nɔ fɔ lisin to advays frɔm pipul dɛn we nɔ rɛspɛkt Jiova ɔ in Wɔd?

Sam 1:1; Prɔ 4:14

Luk bak Lyu 6:39

  • Impɔtant Baybul ɛgzampul (dɛn) we go ɛp yu:

    • 1Kr 10:13, 14​—Kiŋ Sɔl go to wan uman we de lukin grɔn fɔ advays bifo i tɔk to Jiova, ɛn i day bikɔs i nɔ obe

    • 2Kr 22:2-5, 9​—Kiŋ Eazaya pik di rɔng pipul dɛn fɔ advays am ɛn dat mek i day

    • Job 21:7, 14-16​—Job nɔ gri fɔ tink lɛk aw pipul dɛn we nɔ rɛspɛkt Jiova de tink

We yu de gi advays

Wetin mek i fayn fɔ lisin ɛn sabi ɔl wetin apin bifo wi gi advays?

Prɔ 18:13, 17

Luk bak Prɔ 25:8

  • Impɔtant Baybul ɛgzampul (dɛn) we go ɛp yu:

    • 1Sa 1:9-16​—Ay Prist IIay tɔk pan Ana bikɔs i fil se i chak, bifo i tray fɔ no wetin de rili apin to am

    • Mat 16:21-23​—Bikɔs apɔsul Pita nɔ no ɔltin, i tɛl Jizɔs fɔ du sɔntin we Setan want bifo i du wetin Jiova want

Wetin mek wi fɔ pre to Jiova bifo wi gi advays?

Sam 32:8; 73:23, 24; Prɔ 3:5, 6

  • Impɔtant Baybul ɛgzampul (dɛn) we go ɛp yu:

    • Ɛks 3:13-18​—Prɔfɛt Mozis aks Jiova fɔ ɛp am fɔ no aw fɔ sɔlv di prɔblɛm dɛn we di Izrɛlayt dɛn go gɛt

    • 1Ki 3:5-12​—Di tɛm we Kiŋ Sɔlɔmɔn bin yɔŋ, i aks Jiova fɔ sɛns bifo i abop pan insɛf ɛn dat mek Jiova blɛs am

Wetin mek wi fɔ mek shɔ se di advays we wi de gi kɔmɔt na di Baybul ɔltɛm?

Sam 119:24, 105; Prɔ 19:21; 2Ti 3:16, 17

Luk bak Dyu 17:18-20

  • Impɔtant Baybul ɛgzampul (dɛn) we go ɛp yu:

    • Mat 4:1-11​—We Setan tɛmt Jizɔs, Jizɔs yuz Gɔd in Wɔd fɔ ansa am, i nɔ yuz in yon sɛns

    • Jɔn 12:49, 50​—Wi fɔ falamakata Jizɔs we bin de tich pipul dɛn di tin dɛn we in Papa tich am ɔltɛm

Wetin mek wi fɔ tray fɔ tɔk fayn we wi de advays pɔsin ɛn ivin fɛn sɔntin fɔ tɛl am tɛnki fɔ?

Gal 6:1; Kol 3:12

Luk bak Ayz 9:6; 42:1-3; Mat 11:28, 29

  • Impɔtant Baybul ɛgzampul (dɛn) we go ɛp yu:

    • 2Kr 19:2, 3​—Jiova yuz in prɔfɛt fɔ kɔrɛkt Kiŋ Jɛoshafat, bɔt i tɛl am tɛnki bak fɔ di gud tin dɛn we i dɔn du

    • Rɛv 2:1-4, 8, 9, 12-14, 18-20​—Jizɔs tɛl difrɛn kɔngrigeshɔn dɛn tɛnki bifo i gi dɛn advays

If wi kɔmpin Kristian tɛl wi se wan brɔda ɔ sista kruk am ɔ tɔk bad bɔt am fɔ pwɛl in nem, wetin mek i fayn fɔ tɛl am fɔ tɔk to di pɔsin we du am bad?

Mat 18:15-17; Lyu 17:3

Luk bak Liv 19:17

Aw wi go ɛnkɔrej wi kɔmpin Kristian we fil se dɛn trit am bad, fɔ sho sɔri-at, fɔ peshɛnt, ɛn fɔ fɔgiv?

Mat 18:21, 22; Mak 11:25; Lyu 6:36; Ɛfi 4:32; Kol 3:13

Luk bak Mat 6:14; 1Kɔ 6:1-8; 1Pi 3:8, 9

  • Impɔtant Baybul ɛgzampul (dɛn) we go ɛp yu:

    • Mat 18:23-35​—Jizɔs gi wan fayn ɛgzampul fɔ sho wetin mek i rili impɔtant fɔ mek wi de fɔgiv

Wetin mek wi fɔ tinap tranga wan fɔ wetin rayt na Jiova in yay, we wi de gi advays?

Sam 141:5; Prɔ 17:10; 2Kɔ 7:8-11

  • Impɔtant Baybul ɛgzampul (dɛn) we go ɛp yu:

    • 1Sa 15:23-29​—Prɔfɛt Samiɛl nɔ fred fɔ kɔrɛkt Kiŋ Sɔl

    • 1Ki 22:19-28​—Prɔfɛt Maykaya nɔ gri fɔ chenj di wɔnin mɛsej we i gɛt fɔ Kiŋ Eab pan ɔl we dɛn trɛtin am ɛn trit am bad

Aw wi go advays pɔsin we we nɔ go pwɛl in padi biznɛs wit Jiova?

Ibr 12:11-13

  • Impɔtant Baybul ɛgzampul (dɛn) we go ɛp yu:

    • Lyu 22:31-34​—Pan ɔl we apɔsul Pita mek siriɔs mistek dɛn, Jizɔs bin biliv se i go chenj, kɔntinyu fɔ sav Jiova, ɛn ɛp ɔda pipul dɛn bak fɔ sav am

    • Fay 21​—Apɔsul Pɔl bin biliv se Faylimɔn go lisin to di advays we i yuz Gɔd in Wɔd fɔ gi am

Aw wi go sho sɔri-at we wi de advays di wan dɛn we gɛt prɔblɛm ɔ we gɛt pwɛlat?

Kol 3:12; Jem 5:14-16; 1Pi 3:8

Aw wi go sho se wi gol na fɔ ɛp di pɔsin we dɔn sin fɔ gɛt tayt padi biznɛs bak wit Jiova?

Gal 6:1; Ɛfi 4:32

Aw wi go sho se wi gɛt rɛspɛkt fɔ di wan dɛn we wi de advays ilɛk ɔmɔs ia dɛn ol ɔ udat dɛn bi?

1Ti 5:1, 2

Wetin mek ɛlda dɛn nid fɔ kɔrɛkt pɔsin siriɔs wan if i nɔ de gri fɔ fala di Baybul in advays?

1Kɔ 5:9, 11, 13; 1Ti 5:20; Tay 3:10

Luk bak “Disfɛloship”

 

You May Also Like

LƐSIN DƐN WE YU KIN LAN FRƆM DI BAYBUL

Wan Fɛtman ɛn Wan Smɔl Titi

Wan smɔl Izrɛlayt titi tɛl in masta in wɛf bɔt aw Jiova pawaful ɛn in masta bin wɛl.

LAN BƆT WI

Aks fɔ Mek Dɛn Kam Fɛn Yu

Tɔk bɔt wan Baybul kwɛstyɔn, ɔ lan mɔ bɔt Jiova Witnɛs dɛn.

SKRIPCHƆ DƐN BƆT AW KRISTIAN FƆ LIV

Advays

Krio
Advays
https://assetsnffrgf-a.akamaihd.net/assets/ct/d8f8c0370e/images/syn_placeholder_sqr.png
scl pp. 10-13
DIFRƐN TAYP DƐN FƆ DAWNLOD
Advays
Difrɛn we dɛn fɔ dawnlod ɔl di ilɛktronik buk dɛn Skripchɔ dɛn bɔt Aw Kristian Fɔ Liv