DI VALYU TIN DƐN FRƆM GƆD IN WƆD | SAM 102-105
Jiova De Mɛmba Se na Dɔti i Tek Mek Wi
Devid bin yuz wɔd dɛn we gɛt ɔda minin fɔ mek wi ɔndastand di we aw Jiova de sɔri fɔ wi.
-
Jɔs lɛk aw wi nɔ go ebul ɔndastand di kayn we aw di ɛvin de fa frɔm di wɔl, na so wi nɔ go ebul ɔndastand di kayn we aw Jiova lɛk wi
-
Jɔs lɛk aw wi nɔ go ebul fɔ imajin aw di say we di san de grap de fa frɔm di say we i de go dɔŋ, na so wi nɔ go ebul fɔ imajin di kayn we aw Jiova dɔn push wi sin dɛn fa frɔm wi
-
Jɔs lɛk we papa de sho se i sɔri fɔ in bɔy pikin we go dɔn wund, na so Jiova de sɔri fɔ di wan dɛn we dɔn lɛf fɔ du bad ɛn dɛn rili de fil bad fɔ wetin dɛn bin dɔn du
