Wetin mek Lɔt in wɛf bin luk biɛn we dɛn bin de rɔnawe kɔmɔt na Sodɔm? Di Baybul nɔ tɛl wi. (Jɛn 19:​17, 26) Bɔt frɔm di wɔnin we Jizɔs bin gi, i go bi se i bin de mɛmba di tin dɛn we i bin dɔn lɛf biɛn. (Lyu 17:​31, 32) Wetin wi go du fɔ mek wi nɔ pwɛl wi padi biznɛs wit Gɔd lɛk Lɔt in wɛf? Wi nɔ fɔ alaw di lɛk we wi lɛk bɔku mɔni ɔ prɔpati fɔ bi di tin we impɔtant to wi pas ɛni ɔda tin. (Mat 6:​33) Jizɔs bin tich se wi “nɔ go de du Gɔd wok ɛn bi slev to Mɔni.” (Mat 6:​24) Bɔt wetin wi go du if wi notis se bɔku prɔpati dɔn bigin ambɔg wi padi biznɛs wit Jiova? Wi kin pre to Jiova fɔ mek i gi wi sɛns fɔ si usay wi nid fɔ mek chenj dɛn ɛn fɔ mek i gi wi maynd ɛn trɛnk fɔ du am.

MƐMBA PAT WAN, PAT TU, ƐN PAT TRI NA DI FIM WE GƐT DI TAYTUL, MƐMBA LƆT IN WƐF, DƆN UNA ANSA DƐN KWƐSTYƆN DƐN YA:

• Aw di prɛzhɔ fɔ gɛt bɔku mɔni bin chenj di we aw Gloria bin de tink, tɔk, ɛn du tin?

• Us lɛsin wi lan frɔm Lɔt in wɛf?

• We Jo ɛn in famili bin fala di advays dɛn we de na di Baybul, aw dat bin ɛp dɛn?

• Aw Ana in padi dɛn na wokples bin ambɔg in padi biznɛs wit Jiova?

• Wetin mek wi nid fɔ gɛt maynd if dɛn de fos wi fɔ put mɔni biznɛs fɔs na wi layf?

• Wetin Brayan ɛn Gloria bin du fɔ mek dɛn gɛt tayt padi biznɛs wit Jiova bak?

• Us Baybul prinsipul dɛn yu bin si na dis fim?