LIV YU LAYF LƐK KRISTIAN
Na Lɔv Go Sho se Una na Tru Kristian Dɛn—Gladi fɔ di Trut
WETIN MEK I IMPƆTANT? Fɔ mek wi go falamakata Jizɔs, wi fɔ prich di tru bɔt wetin Gɔd want fɔ mɔtalman ɛn di wɔl. (Jɔn 18:37) Wi fɔ gladi bak fɔ di tru, tɔk tru, ɛn tink bɔt ɛnitin we na tru, pan ɔl we wi de na wɔl we ful-ɔp wit lay lay tin dɛn ɛn tin dɛn we nɔ rayt.—1Kɔ 13:6; Fil 4:8.
AW FƆ DU AM?
-
Mekɔp yu maynd nɔ fɔ tɔkabɔt pipul dɛn ɛn nɔ lisin to kongosa.—1Tɛs 4:11
-
Nɔ gladi we ɔda pɔsin gɛt prɔblɛm
-
Gladi fɔ wetin gud ɛn we go ɛnkɔrej ɔda pipul dɛn
WACH DI FIM WE GƐT DI TAYTUL, “UNA LƐK UNA KƆMPIN”—GLADI FƆ DI TRUT, NƆ GLADI FƆ ƐNITIN WE NƆ RAYT, DƆN UNA ANSA DƐN KWƐSTYƆN DƐN YA:
-
Wetin Dɛbi bin du we sho se i “gladi fɔ . . . tin we nɔ rayt”?
-
Aw Alis bin ɛp Dɛbi fɔ lɛf fɔ gladi fɔ tin we nɔ rayt ɛn mek dɛn tɔk bɔt gud tin?
-
Wetin na sɔm pan di gud tin dɛn we wi fɔ de tɔk bɔt?
Gladi fɔ di tru, nɔ gladi fɔ ɛnitin we nɔ rayt