Jizɔs bin prich “di gud nyuz bɔt Gɔd in Kiŋdɔm.” (Lyu 4:​43, NWT) I bin de tich pipul dɛn bak fɔ pre fɔ da Kiŋdɔm de. (Mat 6:​9, 10, NWT) Insay Novɛmba, wi go tray tranga wan fɔ tɔk to pipul dɛn bɔt Gɔd in Kiŋdɔm. (Mat 24:​14, NWT) Arenj wetin yu de du so dat yu go ebul fɔ tek pat pan dis kampen. Ɔl di wan dɛn we de ɔgzilari payɔnia kin prich fɔ 30 ɔ 50 awa insay dis mɔnt.

Rid wan skripchɔ we de tɔk bɔt Gɔd in Kiŋdɔm to ɔl di wan dɛn we yu ebul fɔ rid am to na yu tɛritri. We yu de pik us skripchɔ fɔ yuz, tink bɔt wetin di wan dɛn we de lisin to yu biliv. If pɔsin sho se i want fɔ no mɔ di fɔstɛm we yu prich to am, gi am Di Wachtawa fɔ di pɔblik No. 2 2020. Dɔn nɔ westɛm fɔ go bak to di pɔsin, yuz wan pɔblikeshɔn na wi Tichin Tulbɔks fɔ stat Baybul stɔdi. I nɔ go te igen, Gɔd in Kiŋdɔm go dɔnawe wit ɔl mɔtalman gɔvmɛnt dɛn we de agens am. (Dan 2:​44; 1Kɔ 15:​24, 25, NWT) So i fayn fɔ yuz dis spɛshal chans we wi gɛt fɔ sho se wi de sɔpɔt Jiova ɛn in Kiŋdɔm!