LIV YU LAYF LƐK KRISTIAN
Valyu Yu Padi Biznɛs wit Jiova
Jiova Witnɛs dɛn gɛt big big ɔnɔ. As Kristian dɛn we dɔn gi wi layf to Gɔd ɛn baptayz, wi de kɔntinyu fɔ gɛt tayt padi biznɛs wit Jiova we na wi Masta we De Rul Ɔlman. I yuz in Pikin fɔ mek wi kam nia am. (Jɔn 6:44, NWT) I de lisin to wi prea dɛn.—Sam 34:15.
Aw wi go protɛkt wi padi biznɛs wit Gɔd? Wan tin we wi go du, na fɔ avɔyd fɔ du di bad tin dɛn we di Izrɛlayt dɛn bin de du. Jɔs afta dɛn mek agrimɛnt wit Jiova, dɛn yuz gold fɔ mek kaw pikin ɛn bigin fɔ wɔship am. (Ɛks 32:7, 8; 1Kɔ 10:7, 11, 14, NWT) Sɔntɛm wi go aks wisɛf: ‘Wetin a kin du we sɔntin ɔ pɔsin tɛmpt mi fɔ du bad? Wetin a de du de sho se a valyu mi padi biznɛs wit Jiova?’ We wi rili lɛk wi Papa dat go ɛp wi fɔ mek wi nɔ put an pan tin dɛn we i et.—Sam 97:10.
WACH DI FIM WE GƐT DI TAYTUL, PROTƐKT YU PADI BIZNƐS WIT JIOVA (KOL. 3:5, NWT), DƆN UNA ANSA DI KWƐSTYƆN DƐN WE DE DƆŊ:
-
Wetin i min fɔ want ɔltin fɔ wisɛf?
-
Wetin mek wi fɔ avɔyd fɔ want ɔltin fɔ wisɛf ɛn aydɔl wɔship?
-
Wetin mek fɔ du mami ɛn dadi biznɛs wit pɔsin we wi nɔ mared to tan lɛk aydɔl wɔship?
-
Wetin mek di wan dɛn we gɛt wok fɔ du na di kɔngrigeshɔn fɔ mek shɔ se dɛn gi dɛn wɛf dɛn wetin dɛn nid?
