Jiova nɔ de tek wan pɔsin impɔtant pas ɔda pɔsin. (Akt 10:34, 35) I de gri fɔ mek pipul dɛn we kɔmɔt frɔm “ɔl dɛn trayb ɛn ɔl dɛn neshɔn na [di] wɔl” we de tɔk “difrɛn difrɛn langwej” dɛn, fɔ kam to am. (Rɛv. 7:9) So, insay di kɔngrigeshɔn nɔbɔdi nɔ de tek wan pɔsin impɔtant pas ɔda pɔsin ɔ lɛk wan pɔsin pas ɔda pɔsin. (Jem. 2:1-4) Wi tɛl Jiova tɛnki fɔ di tich we i de tich wi, we dɔn mek wi de ɛnjɔy di pis we i de gi ɛn dat dɔn ɛp bɔku pipul dɛn fɔ chenj di we aw dɛn bin de biev. (Ayz. 11:6-9) Wi go sho se wi de falamakata Gɔd, bay we wi wok tranga wan fɔ mek wi nɔ tek wan pɔsin impɔtant pas ɔda pɔsin.—Ɛfi. 5:1, 2.

• Wetin mek di tin dɛn we Jiova de tich wi bɛtɛ fa fawe pas wetin mɔtalman de du fɔ mek pipul dɛn lɛf fɔ tek wan pɔsin impɔtant pas ɔda pɔsin?

• Wetin yu rili lɛk bɔt wi ɔganayzeshɔn we de ɔlsay na di wɔl?

• Aw wi go prez Jiova we wi as Kristian dɛn kɔntinyu fɔ gɛt wanwɔd?