WETIN MEK DIS IMPƆTANT? Pipul dɛn fɔ lan fɔ du wetin Jiova want ɛn liv dɛn layf da we de, so dat dɛn go wɔship am di rayt we. (Ayz. 2:3, 4) Di buk we nem Gɔd Lɛk Yu na di sɛkɔn buk we wi de yuz fɔ stɔdi pipul dɛn. I de ɛp di Baybul stɔdi dɛn fɔ no se di advays dɛn we de na di Baybul gɛt sɔntin fɔ du wit di we aw dɛn de liv dɛn layf. (Ibru 5:14) Wi fɔ tray fɔ tɔch di Baybul stɔdi dɛn at we wi de tich dɛn, so dat dɛn go rili si se i impɔtant fɔ chenj.—Rom 6:17.

AW FƆ DU AM?

• We yu de pripia tink gud wan bɔt wetin go rili ɛp yu studɛnt. Rayt kwɛstyɔn dɛn we go mek di pɔsin tɔk wetin i tink, we go ɛp yu fɔ no wetin i tink ɛn aw i fil bɔt wetin i de lan.—Prɔ. 20:5; be-E pej 259

• Yuz di bɔks dɛn we de na di buk fɔ ɛp yu Baybul stɔdi fɔ si wetin mek i impɔtant fɔ fala di advays dɛn we de na di Baybul

• Ɛp yu Baybul stɔdi fɔ tink bɔt wetin i go du we i kam to tin we gɛt fɔ du wit wi kɔnshiɛns, bɔt nɔ disayd fɔ am.—Gal. 6:5

• Tek tɛm tink gud wan if yu go nid fɔ ɛp yu Baybul stɔdi fɔ fala patikyula advays dɛn we de na di Baybul. Tek tɛm ɛnkɔrej am fɔ chenj bikɔs i lɛk Jiova.—Prɔ. 27:11; Jɔn 14:31