Frɔm Janwari 2016, di bak pej na di Wachtawa we kin kam fɔ ɔlman bin gɛt di taytul “Wetin di Baybul Se?” Dɛn mek dis nyu we fɔ prich fɔ ɛp wi fɔ bigin prich to pɔsin bɔt di Baybul. Dɛn mek am di sem we aw dɛn mek wi trakt dɛn. Wan kwɛstyɔn de de we go mek di pɔsin tɔk wetin i tink. I gɛt di ansa to di kwɛstyɔn frɔm di Baybul ɛn ɔda pɔynt dɛn we yu ɛn di pɔsin go nid fɔ tɔk bɔt.

Di fayn we we wi kin tɔk to pipul dɛn bɔt di Baybul kin mek dɛn want fɔ stɔdi di Baybul. Yuz dis nyu we fɔ prich fɔ ɛp bɔku pipul dɛn fɔ rili lan mɔ bɔt Jiova. —Mat 5:6.

1. Aks di pɔsin wetin i tink bɔt wan pan di kwɛstyɔn dɛn

2. Lisin ɛn tɛl am tɛnki fɔ in ansa

3. Rid di skripchɔ we de ɔnda di say we se “Wetin di Baybul Se,” ɛn aks am wetin i tink bɔt di vas. If i gɛt tɛm, yuz wan pɔynt we de ɔnda di say we se “Wetin Bak Wi Go Lan Frɔm di Baybul?” fɔ kɔntinyu fɔ tɔk to am.

4. Gi am di magazin

5. Arenj fɔ go bak fɔ tɔk bɔt di sɛkɔn kwɛstyɔn