We Pɔl ɛn Silas bin de na prizin dɛn bin siŋ, siŋ dɛn fɔ prez Gɔd. (Akt 16:25) Insay wi yon tɛm, wi kɔmpin Kristian dɛn bin de siŋ Kiŋdɔm siŋ dɛn we dɛn bin de na Saksɛnawzin kamp insay Nazi Jamani ɛn we dɛn bin kɛr dɛn go na Sayberia. Dɛn ɛgzampul dɛn ya de sho di kayn pawa we siŋ dɛn gɛt fɔ gi kɔrej to Kristian dɛn we dɛn gɛt prɔblɛm.

I nɔ go te igen, ɔda langwej dɛn go gɛt di nyu siŋ buk we gɛt di taytul Siŋ to Jiova “wit Gladi At”. We wi gɛt di siŋbuk, wi go sabi siŋ di siŋ dɛn bay we wi praktis dɛn we wi de du famili wɔship. (Ɛfi. 5:19) Dɔn di oli spirit go ɛp wi fɔ mɛmba dɛn we prɔblɛm dɛn mit wi. Di Kiŋdɔm siŋ dɛn go ɛp wi fɔ pe atɛnshɔn to di tin dɛn we wi op fɔ gɛt tumara bambay. Dɛn de mek wi gɛt kɔrej we wi gɛt prɔblɛm. Ɛn we wi de fil fayn, di fayn fayn wɔd dɛn de ɛp wi fɔ “siŋ . . . fɔ mek galdi gladi.” (1 Kro. 15:16; Sam 33:1-3) Mek wi du ɔl wetin wi ebul fɔ siŋ wi Kiŋdɔm siŋ dɛn!

WACH DI FIM WE GƐT DI TAYTUL WAN SIŊ WE BIN GI KƆREJ TO WOKMAN DƐN, DƆN ANSA DƐN KWƐSTYƆN DƐN YA:

• Wetin bin mek Brɔda Frɔst rayt wan siŋ?

• Aw di siŋ bin ɛnkɔrej di brɔda dɛn we bin de na di Saksɛnawzin kamp?

• Us tin dɛn we kin apin to wi, we go mek di Kiŋdɔm siŋ dɛn kɔrej wi?

• Us Kiŋdɔm siŋ dɛn yu go lɛk fɔ sabi aw fɔ siŋ?