LIV YU LAYF LƐK KRISTIAN
Go Skul Usay Jiova De Tich Yu
WETIN MEK I IMPƆTANT? Jiova we sabi tich pas ɔlman, de tich wi di bɛst we. I de tich wi aw fɔ liv wi layf di rayt we ɛn rɛdi wi fɔ liv na di nyu wɔl; ɛn ɔl dis na fri! (Ayz 11:6-9; 30:20, 21; Rɛv 22:17) Di tich we Jiova de tich wi bak de mek wi ebul fɔ tɛl ɔda pipul dɛn bɔt di mɛsej we go mek dɛn gɛt layf.—2Kɔ 3:5.
AW FƆ DU AM?
-
Tray fɔ gɛt fayn kwaliti lɛk fɔ put yusɛf dɔŋ.—Sam 25:8, 9
-
We yu gɛt tɔk na mitin, na fɔ tek am siriɔs ɛn si am se na we dat we Jiova de yuz fɔ tren yu
-
Plan fɔ du tin dɛn we go mek yu yuz mɔ tɛm fɔ sav Jiova.—Fil 3:13
-
Sakrifays sɔm tin dɛn fɔ mek yu go ebul fɔ gɛt mɔ trenin.—Fil 3:8
WACH DI FIM WE GƐT DI TAYTUL, WI DE GƐT BƆKU BLƐSIN DƐN WE JIOVA DE TICH WI, DƆN UNA ANSA DƐN KWƐSTYƆN DƐN YA:
-
Wetin nɔ bin izi fɔ sɔm pɔblisha dɛn we go di Skul fɔ Pipul dɛn We De Prich bɔt Gɔd in Kiŋdɔm?
-
Us trenin pɔsin go gɛt we i go di Skul fɔ Pipul dɛn We De Prich bɔt Gɔd in Kiŋdɔm?
-
Aw brɔda ɛn sista dɛn na di kɔngrigeshɔn dɔn ɛp di wan dɛn we dɛn sɛn to dɛn we kɔmɔt na di skul?
-
Wetin ɛn wetin pɔsin go nid fɔ du fɔ mek i fit fɔ go di Skul fɔ Pipul dɛn We De Prich bɔt Gɔd in Kiŋdɔm? (kr-E pej 189)
-
Us ɔda trenin dɛn yu go ebul gɛt insay Jiova in ɔganayzeshɔn?