Insay dis ia in biginin, wi go gɛt mɔ tɛm fɔ pripia fɔ mɛmba di day we Krays bin kam day fɔ wi. If di Mɛmorial na insay di wik, di Kristian Layf ɛn Prichin Wok Mitin nɔ go de da wik de. If di Mɛmorial na wikɛnd, di pɔblik tɔk ɛn di Wachtawa Stɔdi nɔ go de. Yu go yuz di tɛm we dɛn dɔn ad fayn fayn wan? Jɔs lɛk aw i bin de bi fɔstɛm, wisɛf nid fɔ rɛdi fɔ dis spɛshal program. (Lyu 22:​7-13; km 3/15 pej 1) Bɔt wi ɔl nid fɔ pripia wi at. Aw wi go du am?

• Tink bɔt wetin mek i impɔtant fɔ go.—1Kɔ 11:​23-26

• Pre ɛn tink gud wan bɔt yu padi biznɛs wit Jiova.—1Kɔ 11:​27-29; 2Kɔ 13:​5

• Rid ɛn tink bɔt sɔm buk ɛn magazin dɛn we gɛt skripchɔ dɛn we de tɔk bɔt wetin di Mɛmorial min.—Jɔn 3:​16; 15:​13

Sɔm pɔblisha dɛn kin rid ɛn tink bɔt di Mɛmorial Baybul ridin we de na di Stɔdi di Skripchɔ dɛn Ɛvride. Sɔm ɔda wan dɛn kin rid di vas dɛn we de na di chat we de dɔŋ. Ɛn ɔda wan dɛn kin luk Wachtawa atikul dɛn we tɔk bɔt di Mɛmorial ɛn di lɔv we Jiova ɛn Jizɔs dɔn sho wi. Ilɛk wetin yu disayd fɔ yuz fɔ stɔdi, wi op se i go ɛp yu fɔ gɛt tayt padi biznɛs wit Jiova ɛn in Pikin.