LIV YU LAYF LƐK KRISTIAN
‘Una Trowe Ɔl dɛn Tin we Una Bin De Wɔship’
Jekɔb bin no se na Jiova nɔmɔ wi fɔ wɔship pan ɔl we Jiova nɔ bin dɔn gi lɔ yet bɔt aydɔl wɔship. (Ɛks 20:3-5) So we Jiova bin tɛl Jekɔb fɔ go bak na Bɛtɛl, Jekɔb bin tɛl ɔlman we bin de wit am fɔ trowe dɛn aydɔl dɛn. Jekɔb bin trowe di aydɔl dɛn ɛn di yerin dɛn we sɔntɛm dɛn bin de wɛr fɔ protɛkt dɛnsɛf. (Jɛn 35:1-4) Wi shɔ se Jiova bin gladi fɔ wetin Jekɔb bin du.
Aw wi go sho se wi de wɔship Jiova wit ɔl wi at insay wi yon tɛm? Wan men tin we wi go du na we wi nɔ gɛt ɛnitin fɔ du wit aydɔl wɔship ɔ juju biznɛs. Dis min se wi fɔ trowe ɛnitin we gɛt sɔntin fɔ du wit kɔlt ɛn tek tɛm pik di tin dɛn we wi de yuz fɔ ɛnjɔy wisɛf. Fɔ ɛgzampul, aks yusɛf: ‘A de ɛnjɔy fɔ rid buk ɔ wach fim dɛn we gɛt tin dɛn lɛk vampaya, wich ɔ ɔndawɔl biznɛs? Ɛni wan pan di tin dɛn we a de yuz fɔ ɛnjɔy misɛf de sho majik, ɔ juju biznɛs as sɔntin we nɔ bad?’ Wi nɔ fɔ gɛt natin fɔ du wit ɛnitin we Jiova et.—Sam 97:10.
WACH DI FIM WE GƐT DI TAYTUL “UNA TINAP FƆ FƐT SETAN,” DƆN UNA ANSA DI KWƐSTYƆN DƐN WE DE DƆŊ:
-
Us prɔblɛm wan Baybul studɛnt we nem Palesa bin gɛt?
-
Wetin mek i mek sɛns fɔ go to di ɛlda dɛn fɔ ɛp if yu ɔ ɔda pɔsin we yu sabi gɛt prɔblɛm wit juju biznɛs?
-
Una tinap fɔ fɛt Setan, ɛn una kam klos Gɔd.—Jem 4:7, 8
Us tin dɛn wi fɔ pul an pan if wi want Jiova fɔ protɛkt wi?
-
Wetin Palesa bin disayd fɔ du?
-
Wetin na sɔm we dɛn fɔ avɔyd dɛbul biznɛs na di say we yu de?
