WETIN MEK I IMPƆTANT? If di tin dɛn we de na “mɔtalman in maynd dip lɛkɛ wɛl,” da tɛm de kwɛstyɔn dɛn tan lɛk bɔkɛt fɔ drɔ wata. (Prɔ 20:​5) Kwɛstyɔn dɛn kin mek di wan dɛn we wi de tɔk to gɛt chans fɔ tɔk. We pɔsin ansa kwɛstyɔn we yu aks di rayt we, dat kin mek di tɔk go bifo. Jizɔs bin yuz kwɛstyɔn dɛn di rayt we. Aw wi go falamakata am?

AW FƆ DU AM?

• Aks kwɛstyɔn we go mek di pɔsin tɔk wetin i tink. Jizɔs bin aks in disaypul dɛn difrɛn kwɛstyɔn dɛn fɔ mek i no wetin dɛn tink. (Mat 16:​13-16; be-E pej 238, par. 3 to par. 5) Us kwɛstyɔn dɛn yu go aks fɔ mek pɔsin tɔk wetin i tink?

• Aks kwɛstyɔn dɛn we go ɛp pɔsin fɔ gi di kɔrɛkt ansa. Fɔ mek Jizɔs kɔrɛkt di we aw Pita bin de tink, i bin aks am kwɛstyɔn dɛn ɛn gi am difrɛn ansa dɛn fɔ mek i pik di rayt wan. (Mat 17:​24-26) Us kwɛstyɔn dɛn yu go aks fɔ ɛp pɔsin fɔ gi di rayt ansa?

• Tɛl tɛnki to di pɔsin we de lisin to yu. Jizɔs bin tɛl tɛnki to wan Ju Lɔ ticha we bin “ansa am wit sɛns.” (Mak 12:​34) Aw yu go tɛl tɛnki to pɔsin we ansa yu kwɛstyɔn?

WACH DI FƆS PAT PAN DI FIM WE GƐT DI TAYTUL, DU DI WOK WE JIZƆS BIN DU—TICH, DƆN ANSA DƐN KWƐSTYƆN DƐN YA:

• Pan ɔl we di tin dɛn we i tɔk kɔrɛkt, wetin mek dis ɛgzampul nɔto gud we fɔ tich?

• Wetin mek nɔto ɛksplen nɔmɔ wi fɔ ɛksplen wetin wi de tich?

WACH DI SƐKƆN PAT PAN DI FIM, DƆN ANSA DƐN KWƐSTYƆN DƐN YA:

• Aw di brɔda bin aks kwɛstyɔn dɛn di rayt we?

• Us ɔda we dɛn di brɔda bin yuz fɔ tich we wi go want fɔ falamakata?