Wi fɔ wata di sid we wi bin dɔn plant na pipul dɛn at. (1Kɔr 3:6) We wi mit pɔsin we sho se i want fɔ no mɔ, i fayn fɔ mek wi aks am kwɛstyɔn we wi go tɔk bɔt we wi go bak. Dis go mek di pɔsin de tink bɔt yu kam wan ɛn i go izi fɔ mek yu pripia fɔ di nɛks tɛm we yu go go to am. We wi go bak, wi fɔ tɛl di pɔsin se wi dɔn kam fɔ ansa di kwɛstyɔn we wi bin aks am di las tɛm.

• We wi de pripia wetin wi want fɔ go tɔk na fil savis, wi fɔ pripia wan kwɛstyɔn we wi go ansa we wi go bak to di pɔsin. Di kwɛstyɔn fɔ kɔmɔt na di buk ɔ magazin we wi de gi na fil savis, ɔ frɔm wan pan wi buk dɛn we wi kin yuz fɔ stɔdi pipul dɛn. Una kin yuz am di nɛks tɛm we yu go bak to am.

• We yu de dɔn fɔ tɔk to pɔsin we want fɔ no mɔ, mek di pɔsin no se yu go lɛk fɔ tɔk to am ɔda tɛm; dɔn aks am di kwɛstyɔn we yu bin dɔn pripia. If i pɔsibul aks am fɔ in adrɛs ɛn in fon nɔmba.

• If yu sho pɔsin tɛm we yu go kam to am bak, mek shɔ se yu kip to yu wɔd.—Mat 5:37