LIV YU LAYF LƐK KRISTIAN
Disayd fɔ Sav Jiova
If yu na yɔŋ pɔsin we nɔ baptayz yet ɔ Baybul studɛnt, yu gɛt gol fɔ baptayz? Wetin mek yu fɔ want fɔ baptayz? We yu gi yu layf to Jiova ɛn baptayz, dat de mek yu gɛt spɛshal padi biznɛs wit am. (Sam 91:1) Dat de mek wi sev bak. (1Pi 3:21) Wetin go ɛp yu fɔ go bifo ɛn rich dɛn gol dɛn ya?
Pruv to yusɛf se dis na di trut. We yu gɛt kwɛstyɔn bɔt ɛnitin, du risach fɔ yusɛf. (Rom 12:2) Tray fɔ notis di say dɛn we yu nid fɔ mek ajɔstmɛnt ɛn mek di ajɔstmɛnt bikɔs yu lɛk Jiova. (Prɔ 27:11; Ɛfi 4:23, 24) Pre to Jiova ɔltɛm fɔ ɛp yu. Ɛn gɛt kɔnfidɛns se Jiova go yuz in pawaful oli sprit fɔ sɔpɔt yu ɛn gi yu trɛnk. (1Pi 5:10, 11) Ɛn di tray we yu de tray tranga wan nɔ go bi fɔ natin. Fɔ sav Jiova na di bɛst we fɔ liv wi layf!—Sam 16:11.
WACH DI FIM WE GƐT DI TAYTUL, WETIN YU GO DU FƆ MEK YU BAPTAYZ?, DƆN UNA ANSA DI KWƐSTYƆN DƐN WE DE DƆŊ:
-
Wetin sɔm pipul dɛn bin nid fɔ du fɔ mek dɛn go baptayz?
-
Wetin go ɛp yu fɔ gɛt di fet we yu nid fɔ mek yu go gi yu layf to Jiova?
-
Wetin dɔn ɛp sɔm pipul dɛn fɔ mek dɛn go tek dɛn stand fɔ baptayz?
-
Us blɛsin dɛn di wan dɛn we dɔn disayd fɔ sav Jiova kin gɛt?
-
Wetin i min fɔ mek pɔsin gi in layf to Jiova ɛn baptayz?
