Jɔs lɛk aw Jiova bin ɔganayz di Izrɛlayt dɛn, na so i de ɔganayz in pipul dɛn bak tide fɔ du in wok. Ɔlsay na di wɔl di branch ɔfis dɛn, sakit dɛn, kɔngrigeshɔn dɛn, ɛn fil savis grup dɛn, ɔl de wok togɛda fɔ mek di prichin wok go bifo. Wi de prich to ɔlman, ivin di wan dɛn we de tɔk ɔda langwej.—Rɛv 14:​6, 7.

Yu dɔn ɛva tink fɔ lan ɔda langwej fɔ mek yu go ɛp ɔda pɔsin fɔ lan di trut? Ivin if yu nɔ gɛt di taym we yu go nid fɔ lan ɔda langwej, yu kin yuz di JW Language ap fɔ lan simpul prizɛnteshɔn. Afta yu dɔn yuz am na fil savis, sɔntɛm yu go gɛt di sem gladi-at we di fɔstɛm Kristian dɛn bin gɛt we di pipul dɛn we kɔmɔt difrɛn say dɛn bin kɔle we dɛn yɛri “di pawaful tin dɛn bɔt Gɔd insay dɛn yon langwej.”—Akt 2:​7-11.

WACH DI FIM WE GƐT DI TAYTUL, BI JIOVA IN PADI—PRICH INSAY ƆDA LANGWEJ, DƆN UNA ANSA DI KWƐSTYƆN DƐN WE DE DƆŊ:

• Ustɛm yu go yuz di JW Language ap?

• Wetin na sɔm tin dɛn we de de?

• Us langwej dɛn pipul dɛn de tɔk na una tɛritri?

• Wetin yu fɔ du if pɔsin we de tɔk ɔda langwej want fɔ no mɔ bɔt di Kiŋdɔm mɛsej?—od-E pej 100 ɛn pej 101, par. 39 to par. 41