Fɔ mek Baybul studɛnt dɛn bi Jiova in padi, dɛn nid fɔ pik gud padi dɛn. (Sam 15:​1, 4) Gud padi dɛn go ɛp dɛn fɔ du wetin rayt.—Prɔ 13:​20; lff lɛsin 48.

We yu de ɛp yu Baybul studɛnt dɛn fɔ avɔyd bad padi dɛn, na fɔ sho se yu de fil fɔ dɛn. Sɔntɛm, i nɔ go izi fɔ mek dɛn stɔp fɔ spɛnd tɛm wit dɛn padi dɛn. So na fɔ sho se yu lɛk ɛn bisin bɔt dɛn ilɛk nɔto tɛm fɔ mek una stɔdi. Yu kin du dat we yu sɛn mesɛj to dɛn, kɔl dɛn ɔ we yu go fɛn dɛn. As yu Baybul studɛnt dɛn de go bifo, yu kin mek dɛn spɛnd tɛm wit di brɔda ɛn sista dɛn. Dat go ɛp dɛn fɔ si klia wan se wetin dɛn de gɛt bɛtɛ fawe pas wetin dɛn dɔn lɔs. (Mak 10:​29, 30) Yu go gladi we yu de si Jiova in famili de big.

WACH DI VIDIO WE GƐT DI TAYTUL, ƐP YU BAYBUL STUDƐNT DƐN FƆ AVƆYD BAD PADI DƐN, DƆN UNA ANSA DI KWƐSTYƆN DƐN WE DE DƆŊ:

• Udat dɛn na bad padi dɛn?—1Kɔ 15:​33

• Aw Judit bin fil se di mitin dɛn go tan lɛk?

• Aw Anita bin ɛp Judit fɔ gɛt gud padi dɛn?