LIV YU LAYF LƐK KRISTIAN
Di Tin dɛn we Jiova Mek De Ɛp Wi fɔ Abop Mɔ pan di Sɛns we I Gɛt
Jiova sabi wetin gud fɔ wi ɔltɛm? Yɛs! We wi biliv dis, wi go sho se wi gɛt sɛns ɛn fala di tin dɛn we i de tɛl wi fɔ du. (Prɔ 16:3, 9) Bɔt if di we aw wi de tink difrɛn frɔm di we aw Jiova de dayrɛkt wi, dat kin bi tɛst fɔ wi. If wi de tink gud gud wan bɔt di tin dɛn we Jiova dɔn mek, dat go ɛp wi fɔ abop mɔ pan di sɛns we i gɛt.—Prɔ 30:24, 25; Rom 1:20.
WACH DI VIDIO WE GƐT DI TAYTUL, WAS IT DESIGNED? AW ANCH DƐN KIN AVƆYD TRAFIK? DƆN UNA ANSA DI KWƐSTYƆN DƐN WE DE DƆŊ:
-
Wetin bɔku anch dɛn kin du ɛvride?
-
Aw anch dɛn de avɔyd trafik?
-
Wetin mɔtalman dɛn kin lan frɔm di anch dɛn bɔt aw fɔ avɔyd trafik?
WACH DI VIDIO WE GƐT DI TAYTUL, WAS IT DESIGNED? AW DI BƆMBULBI DE EBUL FƆ KƆNTROL DI WE AW I DE FLAY? DƆN UNA ANSA DI KWƐSTYƆN DƐN WE DE DƆŊ:
-
Us prɔblɛm dɛn mɔtalman dɛn kin gɛt we dɛn de flay smɔl plen?
-
Aw di bɔmbulbi de ebul fɔ stil flay ilɛk big briz de blo?
-
Aw mɔtalman dɛn go bɛnifit wande frɔm di sɛns we di bumbulbi dɛn gɛt?
Us pruv yu dɔn si bɔt Jiova in sɛns frɔm di tin dɛn we i mek na di say we yu de?
