DU WETIN YU DƆN LAN WE YU DE PRICH | GƐT GLADI-AT WE YU DE MEK DISAYPUL
Ɛp Yu Baybul Studɛnt dɛn fɔ Atɛnd di Mitin Dɛn
Di mitin dɛn we wi kin gɛt as Kɔngrigeshɔn na impɔtant pat pan tru wɔship. (Sam 22:22) Ɔl di wan dɛn we de gɛda fɔ wɔship Jiova kin gɛt gladi-at ɛn blɛsin. (Sam 65:4) Baybul studɛnt dɛn kin go bifo kwik kwik wan we dɛn de atɛnd di mitin dɛn ɔltɛm.
Aw yu go ɛp yu Baybul studɛnt dɛn fɔ atɛnd di mitin dɛn? Kɔntinyu fɔ de invayt dɛn fɔ atɛnd. Sho dɛn di vidio we gɛt di taytul, Wetin Kin Apin na Kiŋdɔm Ɔl? Ɛksplen di bɛnifit dɛn we dɛn go gɛt if dɛn de atɛnd di mitin dɛn. (lff lɛsin 10) Yu kin tɛl dɛn wan patikyula pɔynt we yu dɔn lan na di mitin ɔ yu kin tɛl dɛn wetin una gɛt fɔ lan na di nɛks mitin. Gi yu studɛnt dɛn di pɔblikeshɔn dɛn we una gɛt fɔ yuz na mitin. Yu kin du ɔda tin bak fɔ ɛp dɛn. Sɔntɛm dɛn nid transpɔt. Ilɛk aw wi tray tranga wan fɔ ɛp dɛn, i nɔ go bi fɔ natin we wi studɛnt atɛnd mitin fɔ di fɔstɛm.—1Kɔ 14:24, 25.
WACH DI VIDIO WE GƐT DI TAYTUL, ƐP YU BAYBUL STUDƐNT DƐN FƆ ATƐND DI MITIN DƐN, DƆN UNA ANSA DI KWƐSTYƆN DƐN WE DE DƆŊ:
-
Us chans Anita bin yuz fɔ invayt Judit fɔ atɛnd mitin?
-
Wetin mek wi kin gladi we Baybul studɛnt atɛnd di mitin dɛn?
-
“Gɔd rili de wit una”
Wetin Judit bin si we i atɛnd mitin fɔ di fɔstɛm?
