Ɛni ia, Jiova in pipul dɛn kin luk rod fɔ ɛnjɔy di Mɛmorial togɛda. Insay di wik dɛn bifo ɛn afta di Mɛmorial, wi kin rɛdi fɔ yuz di spɛshal chans we wi gɛt fɔ prez Jiova ɛn tɛl am tɛnki fɔ we i mek in Pikin kam day fɔ wi. (Ɛfi 1:3, 7) Fɔ ɛgzampul, wi de du wi bɛst fɔ invayt pipul dɛn fɔ kam di Mɛmorial. Sɔm ebul fɔ mek ajɔstmɛnt dɛn so dat dɛn go ebul fɔ ɔgzilari payɔnia insay Mach ɔ Epril ɛn prich fɔ 30 ɔ 50 awa. Yu go lɛk fɔ du mɔ na di prichin wok insay dis Mɛmorial tɛm? Wetin go ɛp yu fɔ du dat?

Bɔku tɛm, wi kin du mɔ we wi plan bifo tɛm. (Prɔ 21:5) Bikɔs di Mɛmorial tɛm nɔ de fa igen, naw na di tɛm fɔ stat fɔ plan. Tink bɔt aw yu go du mɔ insay dis Mɛmorial tɛm, ɛn tink bɔt wetin yu nid fɔ du fɔ rich yu gol dɛn. Dɔn aks Jiova fɔ blɛs di tray we yu de tray.​—1Jɔ 5:14, 15.

Yu kin tink bɔt we dɛn we yu go du mɔ insay dis Mɛmorial tɛm?