Wi want fɔ mek Jiova gladi pan ɔl wetin wi de du. (Prɔ 27:11) Fɔ mek dat bi, wi nid fɔ disayd fɔ du tin dɛn di we aw Jiova de tink, pan ɔl we wi nɔ gɛt patikyula lɔ fɔ gayd wi. Wetin go ɛp wi fɔ du dat?

Kɔntinyu fɔ de stɔdi di Baybul ɔltɛm. Ɛnitɛm wi rid di Baybul, i tan lɛk se wi de spɛn tɛm wit Jiova. Wi kin lan bɔt di we aw Jiova de tink, we wi tink gud wan bɔt aw i bin de trit in pipul dɛn, ɛn we wi stɔdi di ɛgzampul dɛn bɔt di wan dɛn we du gud ɔ bad tin dɛn na in yay. We wi nid fɔ disayd fɔ du sɔntin, di oli spirit kin ɛp wi fɔ mɛmba impɔtant lɛsin ɛn prinsipul dɛn we wi dɔn lan na Gɔd in Wɔd.​—Jɔn 14:26.

Du risach. We yu nid fɔ disayd fɔ du sɔntin aks yusɛf, ‘Us vas dɛn ɔ akawnt dɛn na di Baybul go ɛp mi fɔ ɔndastand aw Jiova fil bɔt dis?’ Pre fɔ mek Jiova gayd yu ɛn yuz di risach tul dɛn we de insay yu langwej fɔ ɛp yu fɔ fɛn ɛn aplay Baybul prinsipul dɛn we fit di tin we de apin to yu.​—Sam 25:4.

WACH DI VIDIO WE GƐT DI TAYTUL, WI FƆ “RƆN DI RES ƐN NƆ TAYA”​—IT TIN DƐN WE GO ƐP YU, DƆN UNA ANSA DI KWƐSTYƆN DƐN WE DE DƆŊ:

• Wetin dɛn bin want di yɔŋ sista na di vidio fɔ du?

  textarea-1

• Aw yu go yuz risach tul dɛn fɔ ɛp yu we yu gɛt di sem prɔblɛm dɛn?

  textarea-2

• Aw wi de bɛnifit we wi tek tɛm fɔ du risach ɛn du wi pasɔnal stɔdi, we de ɛp wi fɔ disayd fɔ du di rayt tin?​—Ibr 5:​13, 14

  textarea-3