Gɔd in Wɔd ebul fɔ chenj wi layf dɛn. (Ibr 4:​12) ­Bɔt, fɔ mek i go gayd, dayrɛkt, ɛn kɔrɛkt wi, wi nid fɔ biliv se fɔ tru “na Gɔd in Wɔd.” (1Tɛ 2:​13) Aw wi go gɛt mɔ fet pan di Baybul?

Rid smɔl pat na di Baybul ɛvride. As yu de rid, luk fɔ tin dɛn we de sho se na Jiova mek dɛn rayt am. Fɔ ɛgzampul, tink bɔt di advays dɛn we de insay Prɔvabs ɛn notis aw i de bɛnifit wisɛf tide.​—Prɔ 13:​20; 14:30.

Stat stɔdi projɛkt. Tray fɔ no di tin dɛn we de sho se di Baybul na Gɔd in Wɔd. Insay di Risach Gayd fɔ Jiova Witnɛs Dɛn, luk ɔnda di say we se “Di Baybul” dɔn “Na Gɔd Tɛl Pipul dɛn Wetin fɔ Rayt.” Yu kin gɛt mɔ fet se di mɛsej we de na di Baybul nɔ chenj we yu stɔdi di infɔmeshɔn we de na Appendix A3 na di New World Translation.

WACH DI VIDIO WE GƐT DI TAYTUL, WETIN MEK WI GƐT FET PAN GƆD IN WƆD, DƆN UNA ANSA DI KWƐSTYƆN DƐN WE DE DƆŊ:

• Aw di tin we dɛn fɛn na wan tɛmpul in wɔl na Kanak, insay Ijipt sho se wetin de insay Gɔd in Wɔd na tru?

  textarea-1

• Aw wi no se di mɛsej we de insay di Baybul nɔ chenj?

  textarea-2

• Aw di Baybul in de wan te naw dɔn sho yu se di Baybul na Gɔd in Wɔd?​—Rid Ayzaya 40:8

  textarea-3