Wetin mek wi fɔ rɛdi? Wɛlbɔdi prɔblɛm dɛn we kin mek wi nid fɔ go ɔspitul kin apin jɔs lɛk dat. So du ɔl wetin yu ebul fɔ du naw fɔ gɛt di ɛp we de fɔ gɛt di bɛst mɛdikal tritmɛnt. We yu du dat, yu de sho se yu valyu layf ɛn di lɔ we Jiova gi bɔt blɔd.​—Akt 15:28, 29.

Wetin yu go du fɔ rɛdi?

• Pre ɛn tek tɛm fil di durable power of attorney (DPA) kad. a Baptayz pɔblisha dɛn kin gɛt di DPA kad frɔm di litrechɔ savant fɔ dɛnsɛf ɛn di Identity Card (ic) fɔ dɛn smɔl pikin dɛn

• If yu gɛt bɛlɛ, aks di ɛlda dɛn na yu kɔngrigeshɔn fɔ gi yu dis dɔkyumɛnt, Information for Expectant Mothers (S-401). Dis dɔkyumɛnt go ɛp yu fɔ disayd fɔ du di rayt tin di tɛm we yu gɛt bɛlɛ ɛn di tɛm we yu go bɔn

• If yu gɛt fɔ du ɔpreshɔn we dɛn we go nid blɔd ɔ if yu nid fɔ admit, mek di ɛlda dɛn no bifo tɛm ɛn mek di ɔspitul no se yu de ɛkspɛkt wan Jiova Witnɛs fɔ kam fɛn yu

Aw di ɛlda dɛn kin ɛp? Dɛn go ɛp yu fɔ fil yu DPA kad. Bɔt ɛlda dɛn nɔ go disayd fɔ yu wetin fɔ du bɔt yu wɛlbɔdi biznɛs ɔ tɛl yu wetin dɛn tink we i bi se na sɔntin we ɔlman gɛt rayt fɔ disayd fɔ insɛf. (Rom 14:12; Gal 6:5) We yu tɛl yu ɛlda dɛn se yu gɛt wɛlbɔdi prɔblɛm we dɛn go nid fɔ yuz blɔd, dɛn go tɛl di Hos­pital Liaison Committee (HLC) wantɛm wantɛm fɔ yu.

Aw di HLC kin ɛp? Dɛn dɔn tren di brɔda dɛn na HLC fɔ ɛp di wɛlbɔdi wokman dɛn ɛn lɔ pipul dɛn fɔ ɔndastand wetin wi biliv bɔt blɔd. Dɛn go tɔk to di pipul dɛn we de kia fɔ yu wɛlbɔdi bɔt tritmɛnt dɛn we dɛn go gi yu we dɛn nɔ go nid fɔ yuz blɔd. If nid de, dɛn go ɛp yu fɔ fɛn dɔktɔ we rɛdi fɔ du dat.

WACH DI VIDIO WE GƐT DI TAYTUL, AW FƆ DISAYD WETIN FƆ DU BƆT WƐLBƆDI BIZNƐS WE GƐT FƆ DU WIT BLƆD?, DƆN UNA ANSA DI KWƐSTYƆN DƐN WE DE DƆŊ:

• Wetin yu lan frɔm dis vidio we go ɛp yu fɔ rɛdi fɔ mɛdikal imajɛnsi we gɛt fɔ du wit blɔd?

  textarea-1