Insay Sɛptɛmba, wi go tray tranga wan fɔ tɛl di wan dɛn we wi de prich to bɔt wi Baybul stɔdi program ɛn yuz di Ɛnjɔy Layf Sote Go! brosho. Pɔblisha dɛn kin disayd fɔ ɔgzilari payɔnia fɔ 30 awa. Wetin wi go du fɔ tek pat pan dis spɛshal prichin kampen?

• Di Fɔstɛm we Yu Prich to Pɔsin: Yuz wetin de na di las pej na di Ɛnjɔy Layf Sote Go! brosho fɔ mek di pɔsin want fɔ no mɔ, ɛn tray fɔ sho aw wi de du Baybul stɔdi. Mɛmba di wan dɛn we bin sho se dɛn want fɔ no mɔ ɛn wi ritɔn visit dɛn bak. Ilɛksɛf dɛn nɔ bin gri fɔ stɔdi trade, sɔntɛm dɛn go lɛk fɔ no mɔ bɔt di brosho ɛn di nyu we aw wi de stɔdi pipul dɛn. Wi nɔ fɔ lɛf di brosho dɛn na os dɛn usay pipul dɛn nɔ de ɔ insay lɛta dɛn we wi rayt to pipul dɛn we nɔ bin sho se dɛn want fɔ no mɔ. Di Kɔngrigeshɔn Savis Kɔmiti go arenj fɔ mek di pɔblisha dɛn du mɔ pan di prichin wok insay da mɔnt de.

• Ɔda We dɛn fɔ Prich: If yu Kɔngrigeshɔn de yuz kat fɔ prich, na fɔ put di Ɛnjɔy Layf Sote Go! brosho de. Na fɔ tɛl di wan dɛn we sho se dɛn want fɔ no mɔ se if dɛn tek di brosho dɛn go gɛt fri Baybul stɔdi. Sho aw wi kin du Baybul stɔdi di fɔstɛm we wi prich to am ɔ mek arenjmɛnt fɔ go de bak. Di savis ovasia go arenj fɔ mek pɔblisha dɛn we kwalifay go na biznɛs tɛritri dɛn ɛn tɛl dɛn bɔt di Baybul stɔdi program. Yu kin tɛl yu wokmet dɛn ɔ pipul dɛn we yu mit bɔt di arenjmɛnt fɔ stɔdi di Baybul we yu prich to dɛn ɛnitɛm apat frɔm os to os.

Jizɔs bin tɛl wi fɔ “mek pipul dɛn bi [in] disaypul” dɛn ɛn “tich dɛn.” (Mat 28:​19, 20) Wi op se dis spɛshal kampen go ɛp wi fɔ rich dis gol as wi de yuz di Ɛnjɔy Layf Sote Go!