Di Baybul ful-ɔp wit ɛgzampul dɛn bɔt prea dɛn we Jiova bin ansa. We Jiova in pipul dɛn bin de si aw i bin de lisin to dɛn prea dɛn bɔt di tin dɛn we de mɔna dɛn ɛn ɛp dɛn, wi shɔ se dat go dɔn mek dɛn fet strɔng mɔ. We wi wan de pre, i fayn mek wi pre bɔt patikyula tin dɛn ɛn tray fɔ si aw Jiova de ansa wi prea. Mɛmba se in ansa go difrɛn frɔm wetin wi aks fɔ ɔ i go du pas wetin wi aks fɔ. (2Kɔ 12:​7-9; Ɛfi 3:​20) Wetin Jiova go du fɔ ansa wi prea?

• I kin gi wi trɛnk, mek wi nɔ wɔri, ɔ gi wi fet fɔ mek wi go bia wit di prɔblɛm.—Fil 4:​13

• Sɛns fɔ disayd fɔ du di rayt tin.—Jem 1:​5

• Mek wi want fɔ du sɔntin ɛn gi wi trɛnk fɔ du am.—Fil 2:​13

• Mek wi at kol we wi gɛt tin we de mek wi wɔri.—Fil 4:​6, 7

• Ɔda pipul dɛn go ɛp ɛn ɛnkɔrej wi.—1Jɔ 3:​17, 18

• Ɛp di wan dɛn we wi de pre fɔ.—Akt 12:​5, 11

WACH DI VIDIO WE GƐT DI TAYTUL, JIOVA NA DI “WAN WE DE YƐRI PREA,” DƆN UNA ANSA DI KWƐSTYƆN DƐN WE DE DƆŊ:

• Aw Brɔda Shimizu in ɛkspiriɛns go ɛnkɔrej wi if wi nɔ ebul fɔ du di tin dɛn we wi go want fɔ du bikɔs wi gɛt wɛlbɔdi prɔblɛm?

• Aw wi go falamakata Brɔda Shimizu in ɛgzampul?