Na Jiova sɛt di bɛst ɛgzampul fɔ sho lɔv we nɔ de chenj. (Sam 103:​11) Dis lɔv nɔto di kayn lɔv we pɔsin kin jɔs gɛt fɔ shɔt tɛm ɛn fɔgɛt bɔt am izi wan. Fɔ sho lɔv we nɔ de chenj min se i fɔ rili de insay yu at ɛn i fɔ de sote go. Jiova bin sho dis kwaliti to in pipul dɛn bɔku we dɛn. I fri dɛn we dɛn bin de na Ijipt as slev ɛn go wit dɛn na di Prɔmis Land. (Sam 105:​42-44) I bin de fɛt fɔ in pipul dɛn ɛn i bin de fɔgiv dɛn we dɛn sin. (Sam 107:​19, 20) As wi de “tink bɔt di kayn lɔv we PAPA GƆD [“Jiova,” NWT] gɛt fɔ mɔtalman,” dat de mek wi want fɔ falamakata am.—Sam 107:​43.

WACH DI VIDIO WE GƐT DI TAYTUL, “TINK BƆT DI KAYN LƆV WE PAPA GƆD [“JIOVA,” NWT] GƐT FƆ MƆTALMAN”, DƆN UNA ANSA DI KWƐSTYƆN DƐN WE DE DƆŊ:

• Us we dɛn wi go sho lɔv we nɔ de chenj?

  Your answer

• Wetin mek wi nid fɔ mek sakrifays dɛn fɔ sho lɔv we nɔ de chenj?

  Your answer