LIV YU LAYF LƐK KRISTIAN
Dɛn De Wok Tranga Wan fɔ Ɛp Wi
Sakit ovasia dɛn ɛn dɛn wɛf dɛn de sho se dɛn nɔ jɔs bisin bɔt dɛnsɛf ɛn dɛn lɛk di wan dɛn we dɛn de wok fɔ. Jɔs lɛk wi, dɛnsɛf kin gɛt dɛn yon prɔblɛm dɛn, ɛn sɔntɛnde dɛn kin taya, gɛt pwɛl at, ɛn dɛn kin wɔri. (Jem 5:17) Bɔt pan ɔl dat, ɛni wik dɛn kin pe atɛnshɔn fɔ ɛnkɔrej dɛn brɔda ɛn sista dɛn na di kɔngrigeshɔn we dɛn de go. Sakit ovasia dɛn na man dɛn we wi fɔ “rili ɔnɔ.”—1Ti 5:17.
We apɔsul Pɔl bin de plan fɔ go waka na Rom fɔ gi “sɔm gift dɛn we gɛt fɔ du wit Gɔd biznɛs” to kɔngrigeshɔn we de de, i bin de op se dɛn go “ɛnkɔrej” dɛnsɛf. (Rom 1:11, 12) Yu dɔn tink bɔt wetin yu go du fɔ ɛnkɔrej di sakit ovasia ɛn in wɛf, if i mared?
WACH DI VIDIO WE GƐT DI TAYTUL, AW WAN SAKIT OVASIA WE DE NA VILEJ DE DU IN WOK, DƆN UNA ANSA DI KWƐSTYƆN DƐN WE DE DƆŊ:
-
Us we dɛn sakit ovasia dɛn de sho se dɛn lɛk pipul dɛn ɛn nɔ jɔs bisin bɔt dɛnsɛf?
-
Aw yu dɔn bɛnifit frɔm dɛn tranga wok?
-
Aw wi go ɛnkɔrej dɛn?
