9:​62

Fɔ mek fama go ebul fɔ mek ip dɛn we stret, i nɔ fɔ pe atɛnshɔn to tin dɛn we de biɛn am. Semweso, Kristian nɔ fɔ alaw di tin dɛn we i dɔn lɛf biɛn na di wɔl fɔ tek in atɛnshɔn.—Fil 3:​13.

We wi gɛt prɔblɛm dɛn, i izi fɔ mek wi tink bɔt ‘di tɛm we tin bin fayn,’ sɔntɛm bifo wi kam na di trut. Bɔku tɛm we wi de du dat, wi go tɔk mɔ bɔt di gladi gladi we wi bin de pan ɛn nɔ tɔk bɛtɛ bɔt di prɔblɛm dɛn we wi bin de gɛt. Na so di Izrɛlayt dɛn bin du we dɛn kɔmɔt na Ijipt. (Nɔm 11:​5, 6) If wi de tink bɔt dɛn tin dɛn de, i go tɛmt wi fɔ go bak to di we aw wi bin de liv. I go bɛtɛ fɔ lɛ wi go de tink bɔt di blɛsin dɛn we wi de gɛt naw ɛn di blɛsin dɛn we wi go gɛt tumara bambay ɔnda Gɔd in Kiŋdɔm!—2Kɔ 4:​16-18.