Fɔ fil fɔ pipul dɛn min se wi ebul fɔ ɔndastand aw dɛn de tink, aw dɛn de fil, wetin dɛn biliv ɛn wetin dɛn nid. I kin izi fɔ mek ɔda pipul dɛn no we yu de sho se yu ɔndastand dɛn ɛn yu want fɔ ɛp dɛn. We wi sho se wi de fil fɔ ɔda pipul dɛn we wi de prich, wi de falamakata di we aw Jiova lɛk ɛn bisin bɔt pipul dɛn, ɛn dis de mek bɔku pipul dɛn want fɔ no mɔ bɔt am.—Fil 2:​4.

Wi nɔ fɔ jɔs sho se wi bisin bɔt pipul dɛn we wi de tich dɛn, bɔt wi kin sho se wi bisin bɔt dɛn bay di we aw wi de lisin, aw wi de tɔk, aw wi de biev, aw wi de mek wi an dɛn, ɛn aw wi de mek wi fes. Wi de sho se wi de fil fɔ ɔda pɔsin we wi rili bisin bɔt am. Wi de notis di tin dɛn we i lɛk, wetin i biliv, ɛn di tin dɛn we de apin to am. Wi kin sho am di tin dɛn we i fɔ du ɛn ɛp am bɔt wi nɔ go fos am fɔ chenj. We ɔda pipul dɛn gri fɔ mek wi ɛp dɛn, dat de mek wi gladi we wi de du di prichin wok.

WACH DI VIDIO WE GƐT DI TAYTUL, GƐT GLADI-AT WE YU DE MEK DISAYPUL—DU MƆ FƆ PRICH ƐN TICH—GO DE SHO SE YU DE FIL FƆ PIPUL DƐN, DƆN UNA ANSA DI KWƐSTYƆN DƐN WE DE DƆŊ:

• Aw Anita bin sho se i de fil fɔ Judit we i bin let?

• Aw Anita bin sho se i de fil fɔ Judit we Judit bin se i tu strɛs fɔ stɔdi?

• Aw Anita bin sho se i de fil fɔ Judit we Judit bin se i nɔ ɔganayz?