Di wan dɛn we lɛk fɔ de na di Kiŋdɔm fɔ du ɔl wetin dɛn ebul fɔ du fɔ lan bɔt di Kiŋdɔm ɛn di tin dɛn we i dɔn du. Wetin mek dɛn fɔ du dat? I nɔ go jɔs mek dɛn biliv gud gud wan fɔ se Gɔd in Kiŋdɔm de rul bɔt i go mek dɛn gɛt zil fɔ tɛl ɔda pipul dɛn di gud nyus bɔt Gɔd in Kiŋdɔm. (Sam 45:1; 49:3) As yu de wach di fim we gɛt di taytul Di Fɔs 100 Ia We di Kiŋdɔm Dɔn Rul, na fɔ fɛn ansa to dɛn kwɛstyɔn dɛn ya:

1. Wetin mek wi go se na blɛsin fɔ di wan dɛn we bin wach di “Photo-Drama of Creation”?

2. Aw dɛn bin de yuz redio fɔ tɔk to pipul dɛn bɔt di gud nyus?

3. Us ɔda we dɛn, dɛn bin de yuz fɔ prich di gud nyus? Wetin bin apin afta dat?

4. Fɔ sɔm tɛm naw, aw di we dɛn we dɛn de yuz fɔ tren pipul dɛn fɔ prich dɔn ɛp dɛn fɔ du mɔ?

5. Us advays dɛn bin gi di studɛnt dɛn we bin atɛnd Giliad Skul?

6. Wetin-ɛn-wetin di kɔnvɛnshɔn dɛn dɔn du fɔ tich Jiova in pipul dɛn?

7. Wetin pruv to yu se Gɔd in Kiŋdɔm de rul?

8. Aw wi go sho se wi de sɔpɔt Gɔd in Kiŋdɔm?