We pipul dɛn kin wach fim wetin dɛn de si ɛn lisin kin tɔch dɛn at. Dis kin mek dɛn kɔntinyu fɔ pe atɛnshɔn ɛn i kin lɛf na dɛn maynd fɔ lɔng tɛm. Jiova dɔn sɛt di bɛst ɛgzampul we i kam pan fɔ yuz pikchɔ dɛn fɔ tich.—Akt 10:9-16; Rɛv 1:1.

Di fim dɛn we gɛt di taytul Yu Tink se Gɔd Gɛt Nem?, Udat Rayt di Baybul? ɛn Aw wi Go No fɔ se Wetin di Baybul De Tɔk na Tru?, de ɛp yu we yu de yuz lɛsin 2 ɛn lɛsin 3 na di Gud Nyus buk fɔ tich. Di fim dɛn we gɛt di taytul Wetin Mek I Fayn fɔ Stɔdi di Baybul?, Wetin Kin Apin Pan Ɛni Baybul Stɔdi?, ɛn Wetin Kin Apin na Kiŋdɔm Ɔl? de ɛnkɔrej pipul dɛn fɔ stɔdi di Baybul wit wi ɔ fɔ atɛnd di mitin dɛn. Wi kin yuz lɔng fim dɛn bak fɔ tich we wi de stɔdi pipul dɛn di Baybul.—km-E 5/13 pej 3.

• Bifo tɛm, na fɔ dawnlod di fim we yu go want fɔ yuz fɔ prich to di pɔsin

• Pripia wan ɔ tu kwɛstyɔn dɛn we di ansa go de na di fim

• Una wach di fim togɛda

• Tɔk bɔt di men pɔynt dɛn

• Tɔn di bak pej na wi trakt, ɛn sho di pɔsin di kod we de mek yu go to di fim we gɛt di taytul Wetin Mek I Fayn fɔ Stɔdi di Baybul?

• Ple di fim we gɛt di taytul Aw wi Go No fɔ se Wetin di Baybul De tɔk na Tru? dɔn gi am di Gud Nyus buk, ɛn tɔk bɔt lɛsin 3